"Hann situr hjá"

Það er greinilegt að nýkjörinn oddviti VG í komandi borgarstjórnarkosningum telur sig ráða hvernig aðrir fulltrúar VG neyta atkvæðisréttar síns í atkvæðagreiðslum í borgarstjórn. Og skirrist ekki við, í hita augnabliksins, að segja frá því opinberlega þegar í ljós kemur að varaborgarfulltrúi hefur annan og eigin vilja. Þessi uppákoma er sérkennileg birtingarmynd þess "lýðræðislega þjóðskipulags" sem VG segist í stefnuskrá sinni vilja berjast fyrir.

Hermann studdi Ólaf

Athugasemdir

[Gunnar Th. Gunnarsson, 17.2.2010 kl. 09:14]

Lýðræðisástin er greinilega bara í orði en ekki á borði hjá forystu VG

[Sigurður Sveinsson, 17.2.2010 kl. 09:38]

Ég var í VG í nokkra mánuði. Það var vont fyrir vinstri mann eins og mig að komast strax að því að ég átti ekki heima þarna. Á einum fundi flokksins hér á Selfossi vissi ég eiginlega ekki hvort ég var staddur á samkomu hjá lýðræðislegum stjórnmálaflokki eða í miðju leikriti eftir Dostojevskí.Flokkurinn er bara í persónulegri eign Steingríms J. og nokkurra jábræðra hans og þar vil ég hvergi koma nærri.

[Árni Gunnarsson, 17.2.2010 kl. 10:00]

Hún er ekki sannfærandi byrjunin á pólitískum vettvangi hjá Þessum Hermanni. Ekki annað að sjá en að hann sé heiðarlegur og hafi skoðanir sem honum hefur láðst að spyrja hvort hann megi hafa. Mér liggur við að hafa hann grunaðan um heiðarleika þó auðvitað sé sú ásökun án teljandi rökstuðnings.

Er ekki athugandi að senda manninn í geðrannsókn og láta hann skila vottorði um andlegt heilbrigði eins og farið var fram á við Ólaf F. forðum?

Já, Sigurður, ég fór líka á fund hjá V. g í gærkvöld. Hann var um stjórnun fiskveiða. Mér er ekki ljóst eftir hvern leikritið var sem ég var staddur í. Ég held að sá sem lék aðalhlutverkið hafi líka samið leikritið að nokkru. Ég mæli ekki með honum sem leikritaskáldi. Þó er hann nú skárri að mun en þeir sem þar voru á undan honum. Reyndar miklu skárri. 

[Katrín Anna (IP-tala skráð) 17.2.2010 kl. 10:44]

Svakalega er leiðinlegt að fylgjast með þessu skítkasti á Sóleyju. Hún má ekki opna munninn án þess að það sé fréttaefni - þessi orð urðu tilefni þriggja frétta inn á visir.is í gær - sem by the way sleppti alveg að flytja fréttir af málefni borgarstjórnarfundarins þannig að ég sem borgari er engu nær um hvaða málefni voru rædd þar. Eina sem ég veit af fundinum er að Sóley sagði að þau hjá VG skyldu sitja hjá. Og so what? Þessi fréttaflutningur á ekkert skylt við það hlutverk fjölmiðla að miðla fréttum á hlutlausan hátt heldur er hluti af tilraunum feðraveldisins til að gera konu í framvarðasveit stjórnmála ótrúverðuga vegna þess að hún hefur skoðanir sem eru körlunum ekki þóknanlegar. Greinilega tekst þeim ekki illa upp - en Dögg þú hefur sjálf verið í pólitík og átt að þekkja taktíkina. Ætlarðu virkilega að vera hluti af þessu batteríi sjálf?

[Atli (IP-tala skráð) 17.2.2010 kl. 11:00]

Katrín Anna,

Viðbrögðin hefðu orðið eins og líklega harkalegri ef þetta hefði verið á hinn veginn. Hvaða öfl væru þá að verki? Mæðraveldið?

Held að þú þyrftir að taka nefið upp úr kynjafræðibókunum og prófa að hitta annað fólk en harðlínufeminista-viðhlæjendur þína. Þetta er orðið pínlegt og ekkert ólíkt því sem maður sér hjá sértrúarsöfnuðum.

Ótrúlegt að sumir skuli ekki sjá að skoðanir Sóleyjar í mörgum málum eru ekki beinlínis á miðjunni og því eðlilegt að hún dragi að sér athygli fyrir það.

[Hafrún (IP-tala skráð) 17.2.2010 kl. 11:08]

Þessi fréttaflutningur á ekkert skylt við það hlutverk fjölmiðla að miðla fréttum á hlutlausan hátt heldur er hluti af tilraunum feðraveldisins til að gera konu í framvarðasveit stjórnmála ótrúverðuga vegna þess að hún hefur skoðanir sem eru körlunum ekki þóknanlegar.

 Já einmitt sæll!!  Mér finnst það bara fréttaefni þegar kjörnir fulltrúar segja öðrum kjörnum fulltrúm í krafti stöðu sinnar (tilvonandi oddviti vs varaborgarfulltrúi) hvernig hann eigi að kjósa.  Kannski er ég bara hluti af þessu feðraveldi og mér finnst þetta bara frétt vegna þessi Sóley á í hlut...... æ efast samt um það.

Haldið þið að fjölmiðlar hefðu ekki fjallað um þetta ef að þetta hefði verið Davíð Oddson t.d. sem hefði átt í hlut?  Sjáið þið fyrir ykkur t.d. ef að Davíð hefði sagt á alþingi þegar hann sat þar, og þingmaður XD hefði verið að kjósa og gera grein fyrir atkvæði sínu.... "já abb abb babb, þú ætlar ekki að segja nei, þú ætlar að sitja hjá"  Dettur þér Katrín Anna í hug að það hefði ekki verið fjallað um það?  Ég geri ráð fyrir að það hefði hreinlega kveiknað í internetinu. 

Eignunarvillan er stórkostleg, ef Sóley og aðrir rótækir feministar gera góða hluti, þeim gengur vel osfv þá er það vegna hversu duglegar þær eru, klárar, með réttar skoðanir eða eitthvað slík - þ.e. persónuþættir skýra velgengnina.  Ef sama hjörð er gagnrýnd eða illa gengur þá eru það ytri þættir sem skýra það - helvítis feðraveldið. 

[Katrín Anna (IP-tala skráð) 17.2.2010 kl. 11:18]

Atli og Hafrún - ég er nokkuð viss um að ef dæminu hefði verið snúið við og þetta hefði verið karl sem kallaði þetta að konu þá hefði þetta ekki verið fréttaefni - enda skilst mér að það sé bara alls ekki óalgengt að álíka umræður um atkvæðagreiðslur eigi sér stað. Það er partur af kynjaumhverfinu að akkúrat þegar kona segir eitthvað svona við karl þá sé það notað til að búa til úr henni grýlu. Við sem þekkjum Sóley vitum einmitt að þessi mynd sem fjölmiðlar eru að draga upp af henni er engan veginn í takt við persónuna sjálfa og algjör óþarfi að þjóðin fái hjartaáfall yfir að kona skuli hafa opnað munninn til að segja eitthvað annað við karlmann heldur en „já elskan alveg eins og þú vilt“.

[Alma Jenny Guðmundsdóttir, 17.2.2010 kl. 11:24]

Kynsystur mínar hér að ofan - í guðanna bænum - opnið augun.

Sóley Tómasdóttir - fer illa með lýðræði - skiptir engu mali hvort hún er karlkyns eða kvenkyns.  Hún notar aðferðir sem mörgum konum mislíkar.

Við erum hér stór hópur kvenna sem höfum stutt VG - og styðjum konur - en Sóley Tómasdóttir - hvorki er okkar málsvari né verður - 

[Hafrún (IP-tala skráð) 17.2.2010 kl. 11:37]

Í þessu tilfelli er fáranlegt að segja ekki einmitt "eins og þú vilt" Það er meira segja bundið í lög að maður á að kjósa eftir eigin sannfæringu.

Finnst þér Katrín Anna í lagi að Sóley eða hver svo sem er skipi kjörnum fulltrúum að kjósa á einhvern ákveðin hátt?

[Einar (IP-tala skráð) 17.2.2010 kl. 11:40]

Katrín Anna þér getur ekki verið alvara með þessum skrifum.

[Friðgeir Sveinsson (IP-tala skráð) 17.2.2010 kl. 11:47]

Sóley er Snarklikkuð,,, á því leikur engin vafi... Þráir að komast til valda án þess að hafa nokkuð fram að færa... Svoleiðis fólk er hreinlega hættulegt... Mér þykir himnsvegar sorglegast að sjá hverskonar Syrkus og vitleysa sveitarstjórnarpólutíkin er orðin...

 Ólafur F. og Sóley Tómasd. verma tvo stóla í ráðhúsi Reykjavíkur...  Á einhverjum tímapunkti verðru helsta fréttin úr ráðhúsinu með fyrirsögnina

"The lunatics have taken over the asylum"

 Og get ég ekki sagt að ég verði hissa þegar þar að kemur,, Kjósendur verðskulda það sem þeir kjósa yfir sig...

[Gunnar Th. Gunnarsson, 17.2.2010 kl. 12:25]

Ég tek undir með  Einar (IP-tala skráð) 17.2.2010 kl. 11:40 Þér getur ekki verið alvara með skrifum þínum, Katrín Anna.

Nema þú sért Katrín Anna, fyrrv. formaður (eða á maður að segja "forkona"?) feministafélagsins. Þá er þér örugglega alvara.

[Karma (IP-tala skráð) 17.2.2010 kl. 14:08]

Katrín:

Að halda því fram að þetta sé ekki fréttaefni (enda er þetta ein mest lesna frétt vikunnar) er bara fráleitt, ekki man ég eftir því að oddviti stjórnmálahreyfingar segi samflokksmönnum sínum OPINBERLEGA hvernig þeir eigi að kjósa jafnvel þó að þú segir að það sé "ekki óalgengt" án þess að vísa í eitt atvik þar um.

Einnig gengur ekki endalaust að vísa allri gagnrýni á Sóleyju sem "tilraunir feðraveldisins að gera konur ótrúverðugar", hún verður að standa í fæturnar og svara þessari gagnrýni eins og annarri málefnalega.

[Soffía (IP-tala skráð) 17.2.2010 kl. 20:28]

Það er ótrúlegt að einhver skuli verja svona framkomu hjá stjórnmálamanni. Mér finnst bara andsk... engu máli skipta hvert kynið er.

[Ómar Bjarki Kristjánsson, 18.2.2010 kl. 00:51]

Sammála Katrínu.

Þetta er sannkallað ekki mál - nema sem innlegg í fræðilegar pælingar um styrk  karla/feðraveldisins á Íslandi 2010.

Þar fyrir utan sýnist mér að skynsamlegast hefði verið að sitja bara hjá. 

Sagði maðurinn ekki bæði já og nei ?