Follow the money

Það er sérlega ánægjulegt að sjá að reyna eigi að komast að því hvernig Landsbankinn notaði það fé sem kom inn í bankann með Icesave. Ég hef áður spurt hér á þessu bloggi af hverju ekki er búið að upplýsa í hvað voru notaðir tæplega 2 milljarðar evra, sem söfnuðist inn á Icesave reikninga Landsbankans eftir að hollensku Icesave reikningarnir voru stofnaðir. Það hlýtur að skipta máli að þetta upplýsist.

En það er verra að Framsókn skuli ekki hafa treyst sér að vera með. Samstaða um niðurstöðuna skiptir miklu máli nú. Við þurfum að senda umheiminum sterk skilaboð. Þau veikjast með því að Framsókn virðist ekki hafa treyst sér til að samþykkja a.m.k. þá fyrirvara sem samstaða náðist um. Má skilja það svo að þeir séu ósammála þeim fyrirvörum sem þó er samkomulag um, þó fyrir liggi að þeir vilji hafa gengið lengra í fyrirvörunum?

Hagvöxtur stýri greiðslum

Athugasemdir

[Óskar Helgi Helgason (IP-tala skráð) 15.8.2009 kl. 17:44]

Góðan dag; Dögg Pálsdóttir !

Kann að vera; að hlakki, í ykkur lögfræðingunum, um hríð, við þessi tíðindi, en vera má, að lækki á ykkur risið, þá Skálmöld hefst hér á Fróni, og ykkar nurlara og græðginnar innprentaða stétt, má hafa sig við, að hlaupa í skjólin, þá vopna gnýr færist nær, veruleikans firrta frú.

Með; fremur nöprum kveðjum, úr Árnesþingi /

Óskar Helgi Helgason, frá Gamla Hrauni og Hvítárvöllum   

[Björn Kristinsson (IP-tala skráð) 16.8.2009 kl. 11:46]

Ætla landsmenn virkilega að halda að hér sé einhver annar samningur og eitthvað betri !?

Hvað hefur breyst í grundvallaratriðum. A.m.k. ekki hvað varðar greiðslur. Miðað við 75% heimtur í Icesave og þeim 70 milljörðum sem liggja hjá Seðlabanka Bretlands þá standa eftir árið 2016 um 300 milljarðar til greiðslu og þeir verða einnig greiddir samkvæmt þessum saningi, og meira ef minna heimtist). Skoðum þetta aðeins nánar.

Það er mikilvægt að átta sig á að greiðsluþolið í núverandi samningi er miðað við vöxtu vergrar landsframleiðslu (VLF) og yfir tímabil en ekki árlegan vöxt eins og margir myndu halda. Vöxtur VLF er því fundinn út frá því hvað VLF hefur breyst frá 2008 og til greiðsluárs.

Eftirfarandi grunntölur er hægt að finna á Hagstofunni:

Á milli áranna 1995 og 2007 var meðalvöxtur VLF um 4,4%.

Á árinu 2007 var VLF um 1300 milljarðar IKR.

Út frá þessu fæst að VLF er á árunum 2016 til 2024 eftirfarandi í milljörðum IKR.

Ár VLF   Vöxtur   VLF    Hámark Hlutfall af VLF
2017   1995      641      38,5    1,9%
2018   2083      729      43,7    2,1%
2019   2174      820      49,2    2,3%
2020   2270      916      55,0    2,4%
2021   2370      1016    61,0    2,6%
2022   2474      1120    67,2    2,7%
2023   2583      1229    73,7    2,9%
2024   2697      1343    80,6    3,0%

Samkvæmt þessu er meðalhámark á greiðslu 2,5% af árlegri vergri landsframleiðslu sem er nákvæmlega sama tala og Sjálfstæðisflokkurinn lagði til !! Meðalhámarksgreisla er um 55 milljarðar tala sem sumir ráðherrar voru mjög ósáttir við.

Það hefur því ekkert breyst hér. Þetta er nánast sami samningurinn og áður og enn reynt að ljúga að þjóðinni.