Hvað eiga þingmenn að gera?

Formaður fjárlaganefndar segir:

Aðalatriðið er að öll þessi álit segja að við getum þetta, það er að segja við eigum að ráða við þetta ef ekki verður hrun í þjóðarbúskapnum eða ef eitthvað fer á versta veg.

Í hruninu í byrjun október sl. fór allt á versta veg. Það sem ekki átti að geta gerst, gerðist.

Hefur reynslan ekki þar með kennt okkur að þingmönnum beri að meta Icesave-málið út frá þeim forsendum að allt það versta sem fyrir okkur getur komið í framtíðinni, gerist?

Gefur engin endanleg svör

Athugasemdir

[Ómar Bjarki Smárason, 5.8.2009 kl. 01:21]

Ef við verðum nú komin inn í ESB eftir 7 ár, þegar greiðslur eiga að hefjast, má þá ekki reikna með að þjóðartekjur hafi minnkað þar sem okkar hlutur í fiskimiðunum hefur minnkað og hefðbundinn landbúnaður og grænmetisrækt væntanlega dregist talsvert saman? Stór hluti þess fólks sem við þetta starfar hefur þá væntanlega flust úr landi og hér gætu búið í kringum 250.000 manns og stór hluti þeirra á bótum frá ESB...!!!

Kannski er þetta svartsýn spá, sem því miður gæti ræst..... Jafnvel þó við höldum fiskimiðunum að mestu fyrir okkur (sem reyndar er ósennilegt), þá eru greinilega að verða breytingar í hafinu í kringum okkur sem leitt gætu til dræmari aflabragða. Það er því hæpið að ganga út frá miklum hagvexti nema til komi nýjir atvinnuvegir. Og til þess þarf erlenda fjárfestingu inn í landið, því hér eru engir peningar til, því miður!

[Sævar Finnbogason, 5.8.2009 kl. 16:21]

Jú auðvitað eiga þingmenn að taka tillit til allra möguleika.

Eins og þú bendir á Dögg fór allt á versta veg og þess vegna eru okkur fáir kostir opnir. Við NEYÐUMST að nálgast þetta á þeim forsendum að þó við vildum vissulega gera eitt og annað og taka tillit til hins og þessa er það bara ekki alltaf hægt. 

Núna er staðan meira að segja orðin svo slæm að jafnvel norðurlöndin eru búin að missa þolinmæðina og AGS (sem þinn ágæti flokkur kom okkur í klærnar á í lok 18 ára valdatíðar) hefur einnig talað alveg skýrt í þessu máli.

Ekkert Iceslave engir peninga. Það þýðir ekki að vera með þessi látalæti lengur þökk sé "frábærri" efnahagsstjórn undanfarinna ára erum við ekki lengur fjárhagslega sjálfstæð þjóð. 

Skaðinn er skéður og nú er bara spurningin hvort kostar okkur meira að gagna frá þessu nú þegar eða rústa ímynd þjóðarinnar enn frekar með því að reyna enn að komast undan þessu eða malda í móinn. 

Ef það er skrúfað fyrir fjármagn til okkar og við getum eki klárað þau málmsem blasir við að verði að leysa strax, þá verður ástandið bara enn verra og trúðu mér, við verðum pínd til að borga þetta með góðu eða illu, það styður ekki EIN þjóð málstað Íslendinga í þessu

[Guðmundur Pálsson, 5.8.2009 kl. 22:51]

Ruglingslegt er svar mannsins. Eins og hann gangi í svefni.

Ekki get ég sagt hvað er rétt í þessu máli - lítið get ég hjálpað í Icesafe - ekki fremur en amatör getur læknað krabbamein. En ég spyr: á þetta land ekki fagmenn sem geta ráðið úr þessu máli á farsælan hátt með festu og lagt sjálfa sig að veði. Hvar er hugrekkið?  Hvar eru okkar vitru menn og konur? Sú var tíðin að við áttum menn sem gátu leitt þjóðina. Fara sjálfstæðismenn í skotgrafir og leggja ekkert til málana fyrir land og þjóð nema það komi þeim pólitískt í hag. Þegja menn af því að þeir eru í stjórnarandstöðu?

Hvað þolir þjóðin efnahagslega? Allt sem er undir 4-5% af þjóðarframleiðslu ár hvert er ásættanlegt að mínu áliti. En það verður að semja og sýna manndóm gagnvart umheiminum. Og rísa svo upp. Sökudólgana má flengja seinna.