Nauðsynleg fyrir hvern?

Er það svo að tvöföld atkvæðagreiðsla sé fyrst og fremst nauðsynleg fyrir VG af því að þingmenn þeirra eigi svo bágt í þessu máli? Ef þingmenn VG eiga svona bágt - geta þeir þá ekki sjálfir lagt fram tillögu um tvöfalda atkvæðagreiðslu? Er það hlutverk forystu Sjálfstæðisflokksins að gera það fyrir þá?

Það verður að útskýra betur í hverju þessi nauðsyn felst. Það eru fjölmörg mál á Alþingi sem ekki er samstaða um - þau eru leidd til lykta í atkvæðagreiðslu þingsins en ekki vísað til þjóðarinnar.

Klækjabrögð eða nauðsyn?

Athugasemdir

[Arnar Geir Kárason (IP-tala skráð) 13.7.2009 kl. 17:42]

Nausynin felst í því að ekki er samhljómur um það í þjóðinni hvort við eigum erindi inn í ESB í því árferði sem þar er í dag.  Þar geta legið margar ástæður að baki sem ég fer ekker frekar út í að svo stöddu.

Það er svo annaðmál að ef að þjóðinn vill ekki fara inn í ESB að þá er það mjög kostnaðarsöm aðgerð að fara í aðildarumsókn og tekur dýrmætann tíma frá þingmönnum sem þeir ættu með réttu að nota í að lagfæra ástandið hér heima.  Sem að við þurfum að gera hvort sem við förum inní ESB eða ekki.  Það er svo annað mál hvaða skilaboð það sendi umheiminum og hvort það gæti mögulega haft áhrif á aðra samninga svo sem EES ef við sækjum um og fellum samninginn.

Ég myndi kjósa þannig að ekki ætti að fara í viðræður að svo stöddu.  Við höfum kannski eitthvað með það að fara í aðildarviðræður eftir 10-15 ár en ekki í dag.

[Páll A. Þorgeirsson, 13.7.2009 kl. 18:15]

Tvöföld atkvæðagreiðsla er óskaplega kjánaleg að mínu mati og eitthvað kostar það þjóðina fyrir utan "ruglið" sem því kæmi til með að fylgja og gerði almenning enn áttavilltari.

Best væri að fara strax í aðildarviðræður við ESB svo þjóðin fái að sjá það "svart á hvítu" hvað ESB kæmi til með að bjóða okkur og hvað ekki, í framhaldi af því gæti almenningur sagt af eða á um aðild.

[Sigurður Þórðarson, 13.7.2009 kl. 22:07]

Þetta var ákveðið á landsfundi Sjálfstæðisflokksins til að friða þig og fleiri  laumukrata. 

 

[Jón Baldur Lorange, 13.7.2009 kl. 22:34]

Ég furða mig á þessari spurningu þinni Dögg. Eru landsfundir Sjálfstæðisflokksins ekki m.a. til þess að marka stefnuna fyrir forystu flokksins eða eru þeir bara til punts?

Ég veit ekki betur að þar hafi þessi stefna í ESB málum verið mörkuð sem þingflokkur sjálfstæðismanna er nú að framfylgja. Rödd landsfundargesta hljómar á Alþingi og þú, fyrrverandi þingmaður flokksins, gagnrýnir það! Merkileg afstaða, verð ég segja.

[Ívar Pálsson, 13.7.2009 kl. 23:53]

Samningamaður Tékklands inn í ESB sagði það algerlega vonlaust að fara til samninga við þá án þess að allt sé á hreinu, bakland, umboð, línur dregnar osfrv.  Það skýrist í þjóðaratkvæðagreiðslu. Annars er baktjaldamakk í 2-3 ár og samningi skellt fram eins og orðnum hlut sbr. Icesave.

Annars er ég sammála þeim hér að ofan: Það er einn ESB- flokkur og hann er Samfylkingin. Það þarf ekkert að breyta hinum flokkunum til þess að líkjast því, þeir spjara sig án ESB.