Það sem vefst

fyrir mér í þessu máli er að skv. fréttum er um að ræða skuld vegna láns sem umræddir aðilar eiga að hafa fengið hjá bankanum við kaup þeirra á Landsbankanum á sínum tíma. Einhvern veginn minnir mig að meginástæðan fyrir því að þessir aðilar fengu að kaupa Landsbankann, en ekki aðrir áhugasamir, hafi verið sú að þeir komu með peninga frá útlöndum og það var talið svo hagstætt. Nú er sagt að þeir hafi tekið lán fyrir a.m.k. hluta kaupverðsins. Var það þá vitleysa eftir allt saman að kaupverðið væri staðgreitt með erlendum fjármunum?

Öryggi starfsmanna ógnað

Athugasemdir

[Guðmundur Ásgeirsson, 8.7.2009 kl. 17:48]

Þess utan, miðað við allan þann hagnað sem á að hafa verið af rekstri Landsbankans á þeim árum sem Bjöggarnir hafa átt hann, hvers vegna er þeir ekki löngu búnir að endurgreiða þetta lán sem þeir tóku fyrir kaupunum? Ætli hagnaðurinn hafi kannski aldrei verið annað bókhaldsbrellur, eða voru þeir bara of uppteknir við að eyða honum í einhverja aðra vitleysu?

Þetta mál leiðir vel í ljós þau leyndu sannindi að í bönkum á sér aldrei stað nein raunveruleg verðmætasköpun heldur geta þeir eingöngu fært peninga úr einum vasa í annan. Ekki er hægt að reka banka með hagnaði nema í reynd sé verið að færa hin raunverulegu verðmæti úr vasa viðskiptavinanna (í formi vaxta og þjónustugjalda) í hendur eigenda viðkomandi bankastofnunar (í formi arðgreiðslna).