Voru einhver samskipti?

Það er líklega rétt að opinberlega hafi hollenski seðlabankinn lítið getað gert vegna vaxtar Icesave-reikninganna í Hollandi. Slík opinber yfirlýsing af hálfu bankans hefði valdið áhlaupi á Landsbankann. En hafði hollenski seðlabankinn einhver samskipti við rétta aðila hér á landi til að lýsa yfir áhyggjum sínum vegna þróunar mála? Kom hollenski seðlabankinn áhyggjum sínum á framfæri við Seðlabanka Íslands, FME eða stjórnendur Landsbankans?

Um það atriði vantar upplýsingar. Hafi hollenski seðlabankinn skýrt þessum aðilum frá áhyggjum sínum í formlegum eða óformlegum samskiptum er ljóst að ábyrgð Seðlabanka Íslands, FME og stjórnenda Landsbankans á þróuninni og núverandi stöðu mála er enn meiri.

Gátu ekki stöðvað Icesave

Athugasemdir

[Andrés Kristjánsson, 17.6.2009 kl. 09:47]

Var ekki látið í veðri vaka að Breska fjármálaeftirlitið hefði í sínu tilfelli reynt, óopinberlega, að ræða við hið Íslenska fyrir bankahrun? og því spurning hvort að sambærilegar þreyfingar hefðu átt sér stað hálfu hins Hollenska. En það virtist nú alltaf hafi vera þannig af hálfu íslenska ríkisins að allar athugasemdir sem og gagnrýni á bankastarfsemi ,fyrir hrun, hafi verið sópað af borðinu. Hvort ábendingar Hollendinga hefðu mætt áhuga stjórnvalda hér eða hrokanum og grobbinu sem tíðkaðist.

[GH (IP-tala skráð) 17.6.2009 kl. 10:04]

Það er ítarlegar fjallað um málið í Morgunblaðinu í dag og þar kemur fram að hollenski seðlabankinn hafi haldið tvo fundi með FME og Landsb. þar sem þeir fóru fram á að dregið væri úr innlánunum en því var ekki sinnt -- og FME gaf reyndar út rangar upplýsingar um greiðsluþol bankans. Þannig að þetta liggur allt fyrir.

[Villi Asgeirsson, 17.6.2009 kl. 21:36]

Það sem GH segir, heyrði ég í útvarpi hér í Hollandi fyrir einhverjum vikum sían. Hollendingarnir voru reiðastir því að FME sendi þeim rangar upplýsingar um Landsbankann og gaf þeim falska öryggiskennd.

Því miður virðumst við vera í órétti hér, þótt málið allt sé óréttlátt gagnvart íslensku þjóðinni.

[Sigurður Þórðarson, 18.6.2009 kl. 00:46]

Í alþjóðlegum siglingalögum voru (og eru kannski enn) ákvæði um að það mætti hýrudraga skipverja sem yllu tjóni með vanrækslu ásetningi eða stórkostlegu gáleysi.  Það eru líklega engin slík ákvæði varðandi ráðamenn þjóðarinnar. "Húsbóndaábyrgðin" er almennings sem fær að  borga brúsann.  Sveiattann!