Icesave

Ég vil benda öllum á að lesa þennan pistil Jóns Helga Egilssonar á pressan.is. Þessi pistill Jóns Helga er það besta sem ég hef lesið um Icesave og ætti að vera skyldulesning fyrir alla. Það má ekki gerast að Alþingi samþykki þennan samning.

Icesave: Hægt að byggja allan Ísafjörð tíu sinnum

Athugasemdir

[Sigurður Þórðarson, 13.6.2009 kl. 21:34]

Mjög skilmerkilegur pistill.

Vonandi að þingmenn reyni að kynna sér málið en taki ekki bara við fyrirmælum frá ráðherrum.

 Ég velti því fyrir mér hvort Sjálfstæðisflokkurinn sé óskiptur í málinu? Las grein eftir varaformanninn ykkar sem ég átta mig ekki á hvort sé hrár eða soðinn í þessu. 

[Gísli Ingvarsson, 13.6.2009 kl. 23:20]

Það er mjög sérkennilegt að hér koma menn hver á eftir öðrum sem ekki hafa neitt tengst málunum nema sem áhorfendur með yfirlýsingar sem eiga að hrekja margra mánaða vinnu samningamanna. Enn er 'dómstólaleiðin' nefnd. Hún var vissulega það fyrsta sem var borið upp af ríkisstjórn GH. Fyrir utan það að Íslendingar eru ekki aðilar að dómstólum ESB og því ekki löglegir aðilar að málaferlum þar þá er enginn annar 'dómstóll' en það sem EES getur staðið að en aðildarríki EES voru greinilega ekki tilbúin til að fara þá leið. Auk þess er 'dómstólaleiðin' langur prósess og niðurstaðan alls ekki líkleg til að vera okkur í vil. Gæti tekið mörg ár og á meðan er allt í uppnámi og engin leið til að gera upp málin hér heima eða erlendis á meðan. Samningaleiðin er einasta færa leiðin sem bauðst. Þetta er ekki viðskiptasamningur, frekar pólitískur gerningur. Endurskoðun pólitískra gerninga er auðveldari en beinna viðskiptakaupmála. Þetta er minn skilningur á stöðunni og því greiði ég þessum samningi atkvæði með fyrirvara um endurupptöku samningaumleitana ef þörf krefur. Þorgerður Katrín á ekki eftir að stofna til ævintýra útaf þessum samningi og mun fyrir sitt leyti hugsa líkt og ég ef ég hef skilið pistilinn hennar rétt.

[Sigurður Þórðarson, 14.6.2009 kl. 00:42]

Ágæti Gísli,

Þetta er augljóslega hráskinnaleikur!

í þessari færslu minni sýni ég fram á hvernig ríkisstjórnin blekkti  Svavar Gestsson.  Það var ekki fallega gert.

[Gísli Ingvarsson, 14.6.2009 kl. 10:07]

Vafalaust rétt að Bretar hafi færari samningamenn en við. Og fari menn dómstólaleiðina hafa þeir hæfari barristera en við. Varðandi: "fyrsta lagi virðist hann hafa haldið að Íslendingum sem þjóð bæri að standa í ábyrgð fyrir einkabanka." þá er ástandið að baki Svavars slíkt að einkabankinn var tekinn yfir af ríkinu og síðan stofnaður Nýji Landsbankinn sem Bretar telja ekki til banka. Ekki registreraður sem slíkur í þeirra veröld, bara okkar. Ríkið sat uppi með "einkabankann" sem aðaleigandi. Þetta hafa menn reyndar bent á sem grundvallarmistök Seðlabankans að taka yfir bankana án þess að geta það. Var það til að verja veðsetningu í íslenska kvótakerfinu? ekki veit ég. Varðandi hin 2 atriðin einsog vextina get ég ekkert kommenterað á.

Bara til að halda áfram með bankamálin þá eru engir starfandi bankar á íslandi í dag. þessar kennitölur sem heita nýi þetta og hitt eru ekki alvöru bankar. ekki ennþá amk. þetta eru bara bráðabirgðagjörningur til að halda innri starfsemi íslenska efnahgaskerfisins frá algerum glundroða. Borga út laun og sjá um visareikningana og halda utanum skuldir landsmanna fyrir hönd FME.