Vaxtalaust?

Af hverju liggja þessir fjármuni vaxtalausir í umsjón breskra stjórnvalda? Einhver er að hirða af þessum fjármunum vextina. Ber breskum stjórnvöldum ekki skylda til að ávaxta með einhverjum hætti fjármuni sem þeir frystu í krafti hryðjuverkalaga? Ekki eru þessi stjórnvöld að slá af vaxtakröfunum á hendur okkur. Vissulega eru það góðar fréttir að til eru 50 milljarðar upp í þessa liðlega 600 milljarða sem við erum að skuldbinda okkur til að greiða. En það hefði verið enn betra ef þessir peningar lægju með vöxtum.

50 milljarðar á reikningi

Athugasemdir

[Solla Bolla (IP-tala skráð) 6.6.2009 kl. 17:56]

Það pirrar mig að við þurfum að borga þetta Ice-Save rugl, en þó er ég meðfylgjandi því að við borgum fyrir þetta "gaman" enda væri mjög ábyrgðarlaust af okkur að standa ekki við skuldir okkar, og við hreinlega verðum að gera það ef að við ætlum einhverntímann að endurheimta traust og virðingu annara þjóða, en miðað við rússibanann í hruninu og ummæli manna úr þínum flokki þá er ég ekki viss um að við séum hátt skrifuð einhversstaðar. 

Auðvitað er það hálf súrt að þessir peningar liggji inni vaxtalaust en satt best að segja er ég bara ánægð með að það sé komin lausn á þetta Ice-save mál, þá bara getum við klárað það einn daginn og haldið áfram.

Enn með fullri virðingu er ég sammála Skorrdal - hefur þú efni á að gagnrýna þetta þar sem að flokkurinn þinn er að borga til baka "styrki" án vaxta og verðbóta.

[Sigmar Þormar, 6.6.2009 kl. 18:04]

Já Dögg. Skrif þín hér á blogginu eru oft ágæt. En þú og þitt Sjálfstæðisflokksfólk verðið nú víst að sitja undir gagnrýni. Erfitt fyrir ykkur að tala um óeðlilega hegðun blessaðra Bretanna eftir allt ruglið sem þið sjálf eruð búin að kalla yfir Ísland.

[Marinó G. Njálsson, 6.6.2009 kl. 20:10]

Það er svo margt bull í kringum þetta mál og svo erum við bara sveppir, sem haldið er í myrkrinu og fáum bara skít að éta. 

Spurningin líka frá hvaða degi verið er að greiða vexti af "láninu".  sé það frá undirskrift, þá er í góðu lagi að 50 milljarðarnir séu vaxtarlausir, en sé það frá einhverri dagsetningu í haust, þá eigum við að krefjast vaxta af 50 milljörðunum eftir því sem innistæðan hefur safnast upp.

[Halldór Björgvin Jóhannsson, 6.6.2009 kl. 20:15]

Fyrirgefðu, Dögg, en er ekki Flokkurinn að borga til baka styrki, án vaxta og verðbóta?

Eru þetta styrkir sem liggja inni á reikningi hjá Bretum?

Ég sé ekki mikla tengingu þarna á milli, ég skil ekki afhverju sjálfstæðisflokkurinn er yfir höfuð að skila þessum styrkjum, ekki eru aðrir flokkar að gera það!

[sandkassi (IP-tala skráð) 7.6.2009 kl. 00:09]

ég las þetta fyrr í kvöld og man núna hvað var fjallað um, haha, er þetta ekki ógeðslegt að láta greiðslur af útlánum liggja vaxtalausar þarna úti, þetta er fyrir utan skaðan algjör yfirgangur.

Það er ekki út af engu að þetta hafa verið kallaðir "nauðungarsamningar" af ekki ómerkara fólki en Björgu TH. og Atla Gíslasyni.

[Pétur Steinn Sigurðsson, 7.6.2009 kl. 02:01]

Hvenær ætlar fólk að átta sig á því að féð sem Sjálfstæðisflokkurinn er að greiða til baka voru styrkir en ekki lán þannig að það þarf ekki að greiða neina vexti til baka, en það færi betur að fleiri flokkar færu að fordæmi Sjálfstæðismanna og greiddu til baka sína styrki sem dæmi Samfylkingin en það er ekkert í umræðunni og að sjálfsögðu eiga Bretar að greiða vexti af þessum peningum!!

Góðar stundir

[Helga (IP-tala skráð) 7.6.2009 kl. 13:58]

Ég tek undir gagnrýni þina á að íslensk stjórnvöld sleppi Bretum við að borga vexti af fé sem þeir frystu mánuðum saman. Ég spyr líka hvers vegna ættu þeir ekki að borga stríðsskaðabætur? Það var sagt frá því í gær að nauðasamningarnir sem verða vonandi ekki samþykktir á þingi eigi að bera vexti frá febrúar sl.

En ég verð að gera athugasemd við þessi orð þín: "Vissulega eru það góðar fréttir að til eru 50 milljarðar upp í þessa liðlega 600 milljarða sem við erum að skuldbinda okkur til að greiða."

Dögg, "við" erum ekki að skuldbinda "okkur". Það stendur til að skuldabunda okkur, en "við" erum ekki gerendur í þeirri ákvörðun.

Látum sökina eiga heima þar sem hún á heima. Tökum hana ekki á okkur.

Að lokum, gerðu hvað eina sem þú getur til að hafa áhrif á flokkssystkini þín á þingi til að forða saklausri alþýðu Íslands frá því að þurfa að flýja land vegna nauðungasamninga. Núna verður réttsýnt fólk að vinna saman, þvert á flokksbönd.