Óþolandi

Misjafnt vægi atkvæða á landinu hefur löngum verið til umræðu þó þunginn í þeirri umræðu hafi minnkað með árunum, m.a. vegna breytinga á kjördæmaskipaninni og þingmannafjölda kjördæma í átt til jöfnunar. Engu að síður er staðan sú, eins og hér kemur fram, að vægi atkvæða í NV kjördæmi er tvöfalt meira en vægi atkvæða í Kraganum. Í stjórnarskránni og kosningalögum eru ákvæði til að lágmarka þessa misvægi. Til aðgerða er þó ekki gripið fyrr en eftir kosningar. Upp kemur sú spurning ekki þurfi að gera breytingarnar á fjölda þingmanna, vegna jöfnunar, fyrir kosningar í staðinn fyrir eftir. 

Misvægi minnkað næst

Athugasemdir

[Oddgeir Einarsson, 28.4.2009 kl. 09:31]

Það er stórfurðulegt að í allri umræðu síðustu mánaða um réttlæti og lýðræði hafi ekki komið fram krafa um að allir landsmenn hafi jafnt tækifæri til að hafa áhrif í alþingiskosningum.

[Sigurjón, 28.4.2009 kl. 09:37]

Landið eitt kjördæmi.  Málið er einfalt!

[Neddi, 28.4.2009 kl. 10:04]

Með því að fara út í persónukjör, þar sem kjósendur geta valið fólk óháð flokkum, opnast fyrir þann möguleika að vera með landið sem eitt kjördæmi án þess að hættan á að suðvesturhornið sópi til sín öllum þingmönnum verði of mikil.

Það er mín trú að í persónukjöri muni fólkið kjósa þá sem að þeim stendur næst og þannig muni vægi landshlutanna vera sem réttast.

[Jóhannes Birgir Jensson, 28.4.2009 kl. 10:06]

"Turnarnir þrír" græddu mest á misvæginu, þeir hefðu allir "misst" þingmenn til litlu flokkanna ef 1 maður 1 atkvæði reglan væri virt (sjá útreikninga á blogginu mínu).

Það er því voðalega takmarkaður vilji til þess á Alþingi að skera niður sjálfan sig.