Er tilhugalífið í uppnámi?

Ekki veit ég hvernig forsætisráðherra ætlar að gera þetta. Á kosningafundi í Suðurlandskjördæmi í kvöld á RÚV kemur skýrt fram hjá fulltrúa VG að VG muni ekki hvika frá þeirri stefnu sinni að ganga ekki til viðræðna við EB nema að undangenginni þjóðaratkvæðagreiðslu. Á sama fundi kemur jafnskýrt fram hjá fulltrúa Samfylkingarinnar að Samfylkingin muni ekki hvika frá því að ákveðið verði að hefja viðræður strax eftir kosningar.

Það verður ekki betur séð en að hið tilhugalíf VG og Samfylkingarinnar sem hefur þann tilgang að fara í áframhaldandi stjórnarsamstarf milli þessara flokka eftir kosningar, sé í fullkomnu uppnámi.

ESB-viðræður í júní?

Athugasemdir

[Sigurður Þórðarson, 20.4.2009 kl. 23:55]

Það voru mistök hjá VG að spyrða sig fyrirfram við Samfylkinguna.

[Bobbi (IP-tala skráð) 21.4.2009 kl. 04:40]

Fulltrúi SjáLfstæðisFLokksins sagði á fundinum að innan hans hefðu menn margar skoðanir, getur ekki það sama gilt um ríkisstjórnarflokkana?