Staðfestir gjafakjörin

Þessar bókhaldskúnstir VBS fjárfestingabanka staðfesta að með samkomulagi ríkissjóðs og VBS og Saga Capital sem naut sömu vildarkjara á láni, var í raun verið að gefa þessum tveimur fjárfestingabönkum og hluthöfum þeirra milljarða króna. Hluthafarnir þurftu ekki einu sinni að sæta því að ríkið yfirtæki einhvern eignarhluta í bönkunum. Hlutafé þeirra er óskert. Gjöfin er skilyrðislaus.

VBS er nú búið að bókfæra gjöfina á 9,4 milljarða króna.

Af hverju getur almenningur í landinu, heimilin í landinu, ekki fengið slíkar gjafir úr ríkissjóði? Og hvar eiga önnur fyrirtæki, sem áhuga hafa á sambærilegri fyrirgreiðslu, að sækja um? Eða er jafnræðiseglan, sem er stjórnarskrárvarin, bara grín í augum ríkisstjórnarinnar?

Lán ríkis fært sem tekjur

Athugasemdir

[Sigurður Ingi Jónsson, 15.4.2009 kl. 14:07]

Það þarf frjótt ímyndunarafl til að skilja að hægt sé að eignfæra mun á raunverulegum vöxtum og ímynduðum vöxtum af láni sem er raunverulega tóm ímyndun...

[Viðar Ingvason (IP-tala skráð) 16.4.2009 kl. 11:52]

Gylfi Magnússon verður að útskýra þetta fyrir skattgreiðendum á mannamáli. Málið þolir enga bið.