Hefndin ...

Hvers virði er hefndin? 500 milljarða króna? Hvers virði er mannslíf? 250 milljarða króna? Þessum áleitnu spurningum er varpað fram í leikritinu Milljarðamærin snýr aftur, sem frumsýnt var í Borgarleikhúsinu í kvöld. Þegar saman fer hefndarþorsti einstaklings sem á fúlgur fjár og græðgi heils bæjarfélags getur greinilega allt gerst.

Milljarðamærin snýr aftur er magnað leikrit. Sigrún Edda Björnsdóttir var hreint óborganleg í hlutverði milljarðamærinnar. Jóhann Sigurðsson lýsti vel örvæntingu þess sem áttar sig á hvað framundan er. 

Enn ein afbragðssýning í Borgarleikhúsinu.

Athugasemdir

[árni aðals (IP-tala skráð) 28.2.2009 kl. 00:48]

þar sem ég er búsettur á landsbyggðinni missi ég einsog flestir landsbyggðarbúar af flestum leikritum sem flutt eru í leikhúsum höfuðborgarsvæðisins,því miður er kostnaðurinn við að ferðast og gista bara of mikill til að hægt sé að réttlæta hann við eina leikhúsferð,svo að ekki væri úr vegi að sjónvarp allra landsmanna sýndi leikhúsverkin eftir að sýningum væri hætt í leikhúsum?en annars er þetta eitt af fáu sem ég öfunda höfuðborgarbúa af-annars er ég mjög sáttur með að ver búsettur á landsbyggðinni.

[Sveinbjörn Kristinn Þorkelsson, 28.2.2009 kl. 00:58]

Frábært að fá þetta leikrit á fjalirnar hér, ég fer örugglega að sjá það. Þegar ég var barn á Snæfellsnesi notuðum við oft ferðir í bæinn til að sjá eins og eina sýningu, reyndar held ég að það hafi aðeins verið einu sinni á ári. Merkilegt að það skipti mig litlu máli hvort við sáum fullorðins leikrit eða barnasýningu, ég á góðar minningar frá Strompleiknum eftir Laxnes. Ekki það að leikritið hafi slegið í gegn, en það má segja að ég 8 ára strákurinn hafi algjörlega fílað það - því 50 árum seinna man ég nokkur atriði úr uppfærslunni.