Bæði kynin ...

Það er vissulega fagnaðarefni að ráðherrar eru farnir að átta sig á því að þeir skipa nefndir og ráð og eru því í raun þeir sem stjórna kynjahlutföllum í nefndum, nema í þeim tilvikum þegar utanaðkomandi aðilar tilnefna. Meginreglan hlýtur að vera og á að vera sú að í hverri nefnd sem skipuð er sé sem jafnast hlutfall kynjanna. Það er ekki til fyrirmyndar þegar eingöngu karlmenn eru í nefnd. Með sama hætti er það ekki til fyrirmyndar þegar eingöngu konur eru í nefnd. Rök fyrir jafnræði kynjanna í nefndum hafa verið þau að bæði kynin hafi eitthvað til mála að leggja. 

Konur skipa úrskurðarnefnd fjarskipta- og póstmála

Athugasemdir

[Haukur (IP-tala skráð) 5.2.2009 kl. 10:52]

Þetta kallst kynjajafnrétti hjá vinstrimönnum. Ætli Femínistarnir í VG séu ekki að springa úr gleði vegna jafns hlutfalls karla og kvenna í þessari nefnd?

[Sigurður Haukur Gíslason, 5.2.2009 kl. 12:08]

Í þessari nefnd hér sem fyrrverandi dómsmálaráðherra skipaði eru bara konur. Það brýtur gegn ákvæðum jafnréttislaga.

Hver sér um að kæra það? Þú Dögg?

[Dögg Pálsdóttir, 5.2.2009 kl. 15:19]

Sigurður Haukur. Skoðun mín breytist ekkert við það hver skipar nefndina. Mér finnst slæmt að eingöngu konur séu í þeirri nefnd sem þú bendir á. Raunar hefði ég talið algerlega nauðsynlegt að þar kæmu bæði kynin að málinu. Þessa nefndarskipan er hins vegar ekkert hægt að kæra, frekar en nefndarskipan samgönguráðherra nú.

[Sigurður Haukur Gíslason, 5.2.2009 kl. 15:23]

Ekki hægt að kæra? Eru ráðherrar undanþegnir lögum almennt eða bara jafnréttislögum?

[Dögg Pálsdóttir, 5.2.2009 kl. 15:26]

Hver á að kæra? Það yrði þá að vera einhver sem teldi á sér hafa verið brotið. Einhver sem taldi að sig hefði átt að skipa í aðra hvora nefndina. Ég veit ekki til þess að nokkur eigi kröfu á því að vera skipaður í nefnd, hvorki karl né kona. En sjálfsagt má gera athugasemdi til Umboðsmanns Alþingis vegna svona vinnubragða.