Aðrar tillögur?

Það má örugglega gagnrýna ýmislegt í þeim tillögum sem heilbrigðisráðherra hefur lagt fram um sameiningu heilbrigðisstofnana um land allt. En hverjir eru kostirnir? Við erum rétt 300 þús. manns og erum með starfandi heilbrigðisstofnanir á alltof mörgum stöðum. Í fréttum kemur fram að yfir þessar tillögur verður farið, m.a. af hálfu heimamanna á hverjum stað, fram til 19. janúar nk. Agnúar, ef einhverjir, verða þá væntanlega sniðnir af í þeirri vinnu. Og rétt er að minna á að þessar sameiningar eru framhald vinnu sem hófst fyrir alllöngu og Alþingi lagði m.a. blessun sína yfir með setningu nýrra laga um heilbrigðisþjónustu frá 2007.

Gott væri nú að fá þá einhverjar tillögur frá VG um það hvernig þeir vilja hafa þetta, í staðinn fyrir að vera bara á móti.

Ráðherra segi af sér

Athugasemdir

[Jón Snæbjörnsson, 8.1.2009 kl. 14:41]

ekki er ráð nema í tíma sé tekið - og ef ekki núna hvenær þá ?

hef stundum fundist heilbrigðisstéttin vera eins og mafía - passa mjög vel upp á sitt, þola illa allar tilfærslur og margir eða mjög margir eingöngu í hlutastörfum þar sem það er vitað að mörg þessara starfa eru undirmönnuð en sum yfirmönnuð og kemur því sér vel fyrir marga að geta notið sérstaks yfirvinnuálags - nebb stend með ráðherra hér

 má td ekki flytja inn mjög hæfa en ódýra lækna, eða er það bara réttlætanlegt þegar herja skal á vekafólki eða iðnaðarfólki ?

segi bar sisona

[Jóhannes Ragnarsson, 8.1.2009 kl. 16:18]

Burtséð frá hvort VG leggja fram einhverjar tillögur eða ekki, á Guðlaugur Þór að segja umsvifalaust af sér.

Þetta á Dögg Pálsdóttir að vita ef hún er á annað borð í einhverjum tengslum við þjóðlífið á Íslandi, sem ekki er víst miðað við skrif hennar hér að ofan.

[Haukur Nikulásson, 9.1.2009 kl. 00:32]

Dögg, ég er ekki í VG en hér er tillaga:

Ríkisstjórnin breyti lögum um þjóðkirkjuna og hætti að borga þjóðkirkjuna. Þar eru næstum allir milljarðarnir sem þarf í heilbrigðiskerfið a.m.k. 6 stykki!

Ef ríkið getur stolið öllum innlendum eignum bankakerfis landsins upp á hundruð milljóna með neyðarlögum hljóta þeir líka að geta hirt lítilræði eins og útgjöld til þjóðkirkjunnar sem hvort eð er bara dekuráhugamál fólks með trúaróra.

Það er tímabært að hætta að eyða peningum í þokukenndar hugmyndir eins og trúmál. 

Ef þetta dugir ekki má skera niður öll útgjöld til varnarmála og leggja af rekstur flestra sendiráða. þar eru nokkrir milljarðar í viðbót.

[Björn Benediktsson (IP-tala skráð) 9.1.2009 kl. 02:00]

Sæl Dögg mín.. takk fyrir að styðja St.Jósefsspítala við Hafnfirðingar höfum mjög sterkar taugar til þessarar stofnunar sem var algjörlega kostuð af hinum einstöku St.Jósefs systrum á fyrrihluta síðustu aldar, systurnar ráku spítalann sjálfar af miklum myndarskap fram eftir öldinni eða allt þar til þær, þá komnar á efri ár nánast gáfu reksturinn með húsnæði og öllu til Ríkissins  og Hafnfirðinga, ég er ekki í  nokkrum vafa um að þær ætluðust til að þetta sjúkrahús yrði starfrækt um alla framtíð Hafnfirðingum sem og landsmönnum öllum til góða. Það er að mínum dómi mikil móðgun við hugsjóna starf, fórnfýsi og einkaframtak  þeirra St.Jósefssystra þegar óreyndur stráklingur á ráðherrastóli telur sig vera að spara peninga með því að rífa niður það sem aðrir byggðu upp honum og hans ráðuneyti að kostnaðarlausu. Ég held að hér þurfi einhver sem er með vit í kollinum að grípa í taumana.

Kv BB