Langar í ráðherrastól?

Formaður VG þreytist ekki á því að tala um nauðsyn kosninga, kosninganna vegna að því er virðist. Enda sér hann í hyllingum dúnmjúka ráðherrastólanna og treystir því að uppúr kjörkössunum komi fylgið sem VG er að fá í skoðanakönnunum. Enda á hann Íslandsmet í samfelldri stjórnarandstöðu skv. fróðlegri samantekt á heimasíðu flokksins sem hann vill fara í ríkisstjórn með (hér). Hann treystir því líka að allir séu búnir að gleyma viðskilnaði hans og þeirrar ríkisstjórnar sem hann sat í 1988-1991, þá fyrir Alþýðubandalagið. Fjárlagahallinn var a.m.k. talsverður og hafði sú stjórn ekki efnahagshamfarir og heimskreppu honum til skýringar og afsökunar, heldur eingöngu óstjórn og óráðsíu að ógleymdu sjóðasukki. Stjórnin sem formaður VG var í á þessum tíma, þá sem Alþýðubandalagsmaður, var margra flokka stjórn og það þurfti ýmislegt að gera til að halda völdum. Og þjóðin borgaði, eins og alltaf.

Það getur verið að mörgum þyki ríkisstjórn Sjálfstæðisflokks og Samfylkingar ekki góð. Ríkisstjórn Samfylkingar og VG er fyrirkvíðanleg. Þarf kannski að láta það eftir þjóðinni að fá slíka stjórn yfir sig? Unga fólkið, sem virðist vera kjarninn í stuðningsliði VG, man auðvitað ekki eftir neinum vinstri stjórnum og hversu hræðilegar þær voru. Kannski þess vegna sér m.a. þetta unga fólk ríkisstjórn með VG innanborðs í hyllingum, líkt og formaður VG sér dúnmjúkan ráðherrastólinn.

Kosningar óumflýjanlegar

Athugasemdir

[Björgvin R. Leifsson, 3.1.2009 kl. 17:19]

Ríkisstjórnin 1998-1991? Hmmm........

Já, nú man ég. Þjóðarsáttin. Niðurlag óðaverðbólgunnar. Stöðugleikinn.

Það væri nú ekki verra að fá slíka ríkisstjórn aftur.

[Hörður Már Karlsson (IP-tala skráð) 3.1.2009 kl. 17:37]

   Já það er annað en núna. Stefnir ekki í 170 milljarða halla. Að ógleymdri allri fjármálaspillungunni og öðrum spillingum. Og þjóðin þarf að borga eins og hún hefur gert fyrir ykkur sjallanna þegar þeir hafa gert upp á bak eins og venjulega.

[Smári Jökull Jónsson, 3.1.2009 kl. 20:00]

Byrjar hræðsluáróðurinn sem þið Sjálfstæðismenn eruð hvað þekktastir fyrir ! Þú talar um að unga fólkið í VG (langar að taka fram að ég er ekki stuðningsmaður VG) muni ekki eftir vinstri stjórnum og hversu hræðilegar þær eru. Þetta fólk, ásamt fleirum, man og hefur séð hversu skelfilega Sjálfstæðisflokkurinn hefur leikið þjóðina undanfarin ár.

Það væri kannski bara ágætis lausn að mynda stjórn án Sjálfstæðisflokks, svona eins og einu sinni. Það var gert í borginni árið 1994 og heldur betur höfðu borgarbúar gott af því. Höfum við ekki bara öll gott af því að gefa Sjálfstæðisflokknum smá frí ?

Annars er ansi skemmtilegt að fylgjast með Steingrími J þessa dagana. Hann talar ekki um annað en kosningar og nú vill hann stjórn VG og Samfylkingar. Samt veit hann að Samfylkingin hefur sagt við Sjálfstæðisflokkinn að ef þeir vilji ekki aðildarviðræður við ESB, þá verði stjórnarslit.

Það hlýtur þá að vera að Steingrímur sé til í að gefa eftir hvað varðar ESB og fara í aðildarviðræður, bara til þess að koma VG í ríkisstjórn. Varla heldur hann að Samfylkingin ætli að lúffa með ESB gagnvart VG, ef þeir gera það ekki gagnvart Sjálfstæðisflokknum !

[Haukur Nikulásson, 3.1.2009 kl. 21:16]

Dögg, ég held að ég mæli fyrir munn margra þegar ég segi að það er trúlega ekki fræðilega mögulegt að standa sig verr í ráðherrastóli heldur en næstum allir ráðherrar þessarar ríkisstjórnar (Jóhanna Sig. skemmir hér fyrir mér að geta alhæft).

Að því sögðu myndi ég líka alveg svakalega vilja fá ráðherrastól eins og Steingrímur J. Það er kominn frítími á núverandi stjórn, Steingrímur er líka orðinn óþolinmóður og það er bara komið að honum hvort sem okkur líkar betur eða verr.

Það er ekki lengur hægt að halda því fram að vinstri mönnum sé ekki treystandi fyrir fjármálum. Ísland á hausnum og vinstri menn hafi komið nálægt neinu í 17 ár og verður því ekki kennt um það. Hvernig skýrir þú það?

[Haukur Nikulásson, 3.1.2009 kl. 21:18]

"Ísland á hausnum og það án þess að vinstri menn..." átti það að vera.

[ag (IP-tala skráð) 4.1.2009 kl. 00:24]

það er nú náttúrulega allt VG að kenna að allt sé hér á hvínandi rassgatinu er það ekki ?

[Sigurður Þórðarson, 4.1.2009 kl. 00:41]

Hvar ert þú  á plánetunni Dögg Pálsdóttir?  Hefur þú ekki lesið um það í böðunum að Ísland er á hausnum? Ef þú átt erfitt með að finna eitthvað um þetta í ríkisblöðunum ættir þú að reyna erlend dagblöð eða vefmiðla. Hefur þú heldur hvergi heyrt um  það að ríkissjóður sem sagður var skuldlaus var rekinn með þenslulánum og yfirdrætti í formi Jöklabréfa sem nú er haldið inni vegna þess að annars kæmi tafalaust hrun?

[Sigurður Þórðarson, 4.1.2009 kl. 00:47]

P.s. Það eru svona greinar sem koma til með að mola Sjálfstæðisflokkinn. 

[Ástþór Magnússon Wium, 4.1.2009 kl. 16:52]

Höfnum spilltum pakkaferðum alþingismanna