Gott hjá Reykjavíkurborg

Það er greinilegt að margt hefur breyst hjá Reykjavíkurborg eftir að nýr meirihluti Sjálfstæðisflokks og Framsóknarflokks tók við stjórnartaumum í ágúst sl. Það er sérstaklega jákvætt að hvorki eigi að hækka fasteignagjöld né útsvar og fjölga eigi gjalddögum fasteignagjalda. Allt sýnir þetta skilning á aðstæðum borgarbúa. Þá er greinilegt að tekin hafa verið upp ný vinnubrögð - sem einkennast af meiri samvinnu milli meirihluta og minnihluta en áður hefur þekkst. Það er auðvitað sérstaklega eftirtektarvert að frumvarp að fjárhagsáætlun skuli vera afrakstur samvinnu aðgerðarhóps borgarráðs sem skipaður er fulltrúum meirihluta og minnihluta. Allt þetta sýnir hvað hægt er að gera með breyttum áherslum og vinnubrögðum.

Borgarsjóður verði rekinn hallalaus

Athugasemdir

[Hallur Magnússon, 22.12.2008 kl. 18:15]

Alveg rétt!

Vinnubrögð Hönnu Birnu og Óskars eru til fyrirmyndar - en það má ekki gleyma að Svandís og Dagur B. eiga jafn mikinn þátt í þessu með því að taka útréttri hönd Framsóknar og Sjálfstæðisflokks - og sýna ábyrgð í stað upphlaupa!

En þau munu væntanlega gera einhvderen ágreining til að minna á sig! 

En það er ljóst að vinnubrögðin eru allt önnur nú en áður - sem betur fer!

[Dögg Pálsdóttir, 23.12.2008 kl. 00:28]

Sannarlega rétt ábending. Minnihlutinn þarf líka að vilja vinna af ábyrgð og forystumenn minnihlutans í Reykjavík eiga hrós skilið fyrir að vilja vinna með slíkum hætti.