Af hverju hulið andlit?

Að mótmæla eru sjálfsögð mannréttindi. Það kemur á óvart að sumir mótmælendur skuli vera með andlit sín hulin. Af hverju er það? Vilja þessir mótmælendur ekki láta sjá til sín í mótmælunum? Skammast þeir sín fyrir að vera þarna? Eða telja þeir sig þurfa að vera hrædda?

Hávær mótmæli

Athugasemdir

[Sigurður H (IP-tala skráð) 16.12.2008 kl. 10:13]

einsog margoft hefur komið fram Dögg þá hylur fólk andlit sitt vegna persónunjósna lögreglunar í okkar annars opna samfélagi þar sem allt er sagt vera á borði í orði en er svo þegar betur er að gáð komið undir stól, en þú veist þetta sjálfsagt.. "sjálfstæðis" konan

[Bjöggi (IP-tala skráð) 16.12.2008 kl. 10:19]

Eva Hauksdóttir orðaði þetta mjög vel

Að hylja andlit sitt hefur ekkert með það að gera hvort maður vill leggja nafn sitt við aðgerðir heldur er tilgangurinn sá að draga úr hættunni á því að málstaðurinn, eða aðferðirnar verði persónugerð. Það er nenfilega alltaf hætta á því að fólk fari að einblína á einstaklinga og þeirra hagi, frekar en að hlusta á kröfur þeirra

[Palli Pé (IP-tala skráð) 16.12.2008 kl. 10:29]

Hef alltaf á tilfinningunni að þeir sem hylja andlit sitt hafa tilfinningu fyrir að þetta séu skrílslæti sem þeir hafa uppi. Er líka yfirleitt bara grímuklæddir einstaklingar sem eru að veitast að lögreglu og með almenn leiðindi sem eru í sjálfum sér fjarri mótmælum.

[Ívar Pálsson, 16.12.2008 kl. 10:35]

Hárrétt hjá þér Dögg. Þegar fjöldi manns mætir á mótmælafund og hylur andlit sitt, verður lögreglan að telja að líkur verði á óspektum, sem almenningur treystir á að hún haldi í skefjum. Nú verðum við skattgreiðendur að halda úti hópi lögreglumanna vegna þessa, því að líkurnar á friðsamlegum mótmælum eru þá litlar, ef andlit eru hulin.

Hér er smá grein til áminningar úr lögreglulögum. Ekki stendur til að breyta þessu: 15.gr.

3. [Ef uggvænt þykir að óspektir verði á mótmælafundi, í kröfugöngu eða á annarri slíkri samkomu á opinberum stað er lögreglu heimilt að banna að maður breyti andliti sínu eða hylji það eða hluta þess með grímu, hettu, málningu eða öðru þess háttar sem er til þess fallið að koma í veg fyrir að kennsl verði borin á hann.]¹⁾
4. Óhlýðnist maður fyrirmælum lögreglu [skv. 2. og 3. mgr.]¹⁾ getur hún gripið til nauðsynlegra ráðstafana á hans kostnað til að koma í veg fyrir að óhlýðni hans valdi tjóni eða stofni almenningi í hættu.
5. Lögreglu er heimilt að krefjast þess að maður segi til nafns síns, kennitölu og heimilisfangs og sýni skilríki því til sönnunar.

[hannes (IP-tala skráð) 16.12.2008 kl. 10:38]

Getur verið að þetta fólk sé kanski venslað bankafólki og eða öðrum sem tengast ástandinu?

[Tinna Gunnarsdóttir Gígja, 16.12.2008 kl. 11:09]

Ætli ástæðan sé ekki sú sem Eva gaf. Ekki var fallega talað um Hauk eftir að hans nafn kom fram, reyndar ekki Evu heldur, svo það er ekki nema vona að fólk sé "feimið".

[Arnar Már (IP-tala skráð) 16.12.2008 kl. 12:05]

Ferðu ekki af þeirri skoðun þinni, Björn? Og á hverju byggist hún? Vel ígrunduðum rannsóknum? Eða kannski bara bulli frá háðum fjölmiðlum og öðrum bláum moggabloggurum?

Þú einfaldlega hefur ekki hugmynd um hverjir eru að mótmæla þarna.

En til að svara spurningunni: Embætti lögreglunnar er hápólitískt, hún hefur það að atvinnu að standa vörð um hagsmuni sitjandi valdhafa. Lögreglan tekur myndir og myndbönd af mótmælum, og ég persónulega skil vel að fólk vilji ekki að andlit sín séu til á slíkum myndböndum. Lögreglan er oft mjög ósanngjörn við mótmælendur, en fæstir trúa illa uppá hana, sérstaklega ekki bláir moggabloggarar. Að hylja andlit sitt er einfaldlega sjálfsvörn.

Þið sem kallið þetta fólk öfgafullan skríl, trúða, vitleysinga og annað, þið ættuð að skammast ykkar. Það verður fjallað um þetta fólk sem hetjur í sögubókum framtíðarinnar, nema náttúrlega að vonda liðið vinni.

[RagnarA (IP-tala skráð) 16.12.2008 kl. 12:45]

Ég vil benda á að fyrsti "atvinnumótmælandinn" hét Jón Sigurðsson.

 Orð Jóns Sigurðssonar á þjóðfundi þann 9. ágúst árið 1851 eiga að vera okkur að leiðarljósi!
"Vér mótmælum allir“

Sjá

http://www.jonshus.dk/jonsigurdsson/hugvekja/  http://www.skjaladagur.is/2005/001_02.html      http://is.wikipedia.org/wiki/V%C3%A9r_m%C3%B3tm%C3%A6lum_allir

[Margrét (IP-tala skráð) 16.12.2008 kl. 16:13]

Svona mótmæli hanga jú ekki saman á neinu og eru afar ósannfærandi. Ég hef það alltaf á tilfinningunni að aðalinntaki sé hasarinn og að vera á móti "kerfinu". Og þá tilheyrir að vera dáldið kúl og vera með tusku fyrir andlitinu. Hafið þið spáð í að tuskurnar eru alltaf svartar? Það lúkkar miklu betur greinilega.