Forvitnilegt

Það verður forvitnilegt að fylgjast með framgangi þessara málaferla í Bandaríkjunum. Réttarkerfi þeirra virðist gefa neytendum meira svigrúm til málsókna á hendur framleiðenda en víða þekkist annars staðar. Vandséð er hvernig merkingin "light" eigi að geta gefið reykingamönnum í skyn að þar séu á ferð "hollari" sígarettur en ella. Langt er síðan að rannsóknir staðfestu að reykingar eru krabbameinsvaldandi. En vera kann að í tóbaksauglýsingum, sem mig minnir að séu leyfðar í Bandaríkjunum, sé þetta gefið í skyn - í staðinn fyrir hin réttu skilaboð sem eru að "light" sígarettur eru "minna óhollar" en venjulegar sígarettur. Venjulegar sígarettur og "light" sígarettur eiga það báðar sameiginlegt að vera óhollar.  Einhvern veginn finnst manni það liggja svo í augum uppi.

Hæstiréttur BNA dæmir gegn tóbaksframleiðendum

Athugasemdir

[Ragnhildur Kolka, 15.12.2008 kl. 23:56]

Í Bandaríkjunum hafa viðvaranir vegna hættu á hjarta og lungnasjúkdómum verið á sígarettupökkum síðan á sjöunda áratugnum.

Þegar "light" sígarettur komu fyrst á markað vísaði orðið til þess að þær innihéldu minna magn af tjöru (low tar) en þessar "hefðbundnu". Ef "light" vísar ekki lengur í neitt nema sjálft sig þá geri ég ráð fyrir að hver maður geti skilið orðið á sinn hátt og farið í mál og eins og þarna virðist hafa átt sér stað, unnið.