Í eigin nafni eða nafni ASÍ?

Gylfi Arnbjörnsson getur auðvitað haft hvaða skoðanir sem hann vill varðandi það hvaða einstaklingar eiga að skipa einstök embætti í ríkisstjórninni. En mér finnst að við eigum kröfu á að vita hvort hann er með þessum yfirlýsingum að endurspegla persónulega skoðun sína eða tala í nafni ASÍ. Á því er talsverður munur. Og úr því að forseti ASÍ vill að menn axli ábyrgð,sem er svosem skoðun sem hann er ekki einn um, þá hlýtur hann að vera byrjaður að ræða við fulltrúa ASÍ í stjórnum lífeyrissjóða um að þeim þurfi að skipta út.

Undrandi á forseta ASÍ

Athugasemdir

[Jón Ingi Cæsarsson, 27.11.2008 kl. 15:53]

Hann er ekki alveg búinn að átta sig á stöðu sinni.... vonandi fer það nú að gerast og hann haldi skoðunum sínum fyrir sig og túlki skoðanir ASÍ.

Í það minnsta að hann taki það fram að þetta sé hans persónulega skoðun því fjölmiðlar kalla hann héðan í frá formann ASÍ sama hvað hann segir.