Stjórnarsinni?

Skrítið að þingmaðurinn skyldi ekki bara sitja hjá. Ég er hjartanlega sammála honum í því að það sé andstætt hagsmunum þjóðarinnar, ef þing yrði rofið nú og boðað til alþingiskosninga. En því viðhorfi gat hann komið á framfæri með því að láta duga að sitja hjá. Með því að greiða atkvæði gegn vantrausttillögunni er þingmaðurinn að verja ríkisstjórnina falli og því í raun orðinn stjórnarsinni. Skyldi hann vera á leið í Samfylkinguna?

Kristinn andvígur vantrausti

Athugasemdir

[Sigurjón Þórðarson, 25.11.2008 kl. 09:56]

Dögg þetta snýst mest um eftir því sem mér skilst að Kristinn er afar ósáttur við Guðjón um að leyfa sér ekki að vera þingflokksformaður.

[Ómar Ragnarsson, 25.11.2008 kl. 11:24]

1979 voru stjórnvöld með "fangið fullt af vandamálum til að leysa" og samt voru haldnar kosningar í desember. Ingibjörg Sólrún og hennar skoðanasystkin voru ósvífin að halda því fram að kosningabaráttan yrði á fullu í desember þótt þingrof yrði um áramót.

Kosningabaráttan hefði aldrei þurft að hefjast fyrr en á útmánuðum og kosningar gátu aldrei orðið fyrr en seint í febrúar.

Rökin fyrir því að landið yrði stjórnlaust á meðan standast ekki ef menn líta til þess sem gerðist í Bandaríkjunum í haust. Þar stóð kosningabaráttan sem hæst þegar mest lá við um neyðaraðgerðir til að verja bankakerfið hruni.

Frambjóðendur sameinuðust um þær aðgerðir á ábyrgan hátt. Hér á landi er líklega borin von að biðja um slíkt og þess vegna hægt að stunda hræðsluáróður um truflun á björgunaraðgerðum.

[Þráinn Kristinsson (IP-tala skráð) 25.11.2008 kl. 14:46]

Allir Framsóknarmenn landsins munu enda í Samfylkingunni, þ.m.t. Kiddi Sleggja

[br (IP-tala skráð) 25.11.2008 kl. 15:46]

mér finnst bara frábært hjá honum að standa á sinni sannfæringu, við þurfum fólk í stjórnmál á Íslandi sem þorir að segja sína skoðun burt séð frá allri flokkspólitík!