Auðmýkjandi ósigur?

Ég er búin að tjá mig um afstöðu mína til ósigursins í kosningunni til öryggisráðs SÞ og þarf ekki að endurtaka það. Ég hafna því þó algerlega að í ósigrinum hafi falist einhver auðmýking fyrir Íslendinga eða íslenska þjóð. 

Umfjöllun af þessu tagi er virðulegum breskum fjölmiðli til lítils sóma. Í mótlæti uppgötva bæði einstaklingar og þjóðir best hverjir eru vinir í raun. Bresk stjórnvöld og breskir fjölmiðlar eru það svo sannarlega ekki. Þessi umfjöllun The Times er skýrt dæmi um það.

Segja Ísland hafi orðið fyrir auðmýkingu

Athugasemdir

[Hildur Harðardóttir (IP-tala skráð) 18.10.2008 kl. 08:51]

Sammála síðasta ræðumanni,

Held að þetta hafi verið einn stórbokkadraumur forsprakka hrundadansins. Tel að ekki hafi margir Íslendingar hafi verið hlynntir þessu brölti.

[Sigurður Þórðarson, 18.10.2008 kl. 09:07]

Bretar eru í fýlu út í okkur með réttu eða röngu og yfirlýsing sendiherra þeirra hjá SÞ var hádiplómatísk og fáguð aulafyndni .

[Þorsteinn H. Gunnarsson (IP-tala skráð) 18.10.2008 kl. 09:24]

Þetta er nú meiri vitleysan að við höfum verið niðurlægðir þótt við höfum tekið þátt í lýðræðislegum kosningum og ekki náð kjöri.

 

Þetta er stórsigur fyrir litla þjóð að fá þessa mælingu 87 atkvæði.

 

Ég var einu sinni á ferð um Ungverjaland og sá þá dómkirkju sem var byggð nokkrum árum áður en við Íslendingar hófum landnám hér á Íslandi.

 

Við erum ung þjóð og eigum framtíðina fyrir okkur og höfum byggt upp þjóðfélag eins og það er nú á sjötíu árum sem hefur tekið Evrópuþjóðir margar aldir að byggja.