Ég met það svo

að Jón Ásgeir hafi skorað fleiri stig í þessu viðtali í Silfrinu en Egill. Jón Ásgeir sýndi kjark að mæta og miðað við upphafsorð Egils var hann sá eini sem hafði slíkt þor. Það hefði þurft í viðtalið vandlega undirbúinn spyril með rökstuddar fullyrðingar tengdar staðreyndum, sem Jón Ásgeir hefði þurft að svara málefnalega í staðinn fyrir spyril með lítið og jafnvel ekkert rökstuddar ásakanir sem auðvelt var fyrir Jón Ásgeir að víkja sér undan.

Jón Ásgeir: Fær ekkert út úr sölunni á Baugsfyrirtækjum

Athugasemdir

[Inga Lára Helgadóttir, 12.10.2008 kl. 17:24]

Alveg sammála þér Dögg,

Kveðja,

Inga Lára

[Ingibjörg Friðriksdóttir, 12.10.2008 kl. 17:42]

Algjörlega 100% sammála þér Dögg!  Hvað svo sem tíminn mun leiða í ljós, þá er það fyrir neðan allar hellur að láta útblásinn reiðan spyril fá heilan þátt í að sýna fólki ókurteisi og órökstuddar fullyrðingar um hluti sem eftir á að rannsaka.

Ég dáðist að Guðrúnu fyrir að stoppa manninn í að grípa framí fyrir sér, að öðrum kosti myndi hún ekki nenna að tala við hann.

Ég hef oft verið hrifin af Agli en núna fór hann gjörsamlega yfir strikið.

Fyrir hvaða hópi fór hann?

Jón Ásgeir sem er auðvitað sekur um glæfrastarfsemi í fjármálum hefur ekki gert annað en honum var boðið að gera.

Hversvegna var Þjóðhagsstofnun lögð niður?

Afhverju hlustuðu menn ekki á aðvarianir hagfræðinga og reyndra bankamanna?

Að mínu mati á Davíð Oddsson og Halldór Ásgrímsson stærstu sökina á hvernig komið er fyrir okkur.  Það voru þeir sem gáfu út veiðileyfi á íslenskt hagkerfi.

[Einar Vignir Einarsson, 12.10.2008 kl. 18:20]

Ég er þér algerlega sammála Dögg.  Burt séð frá hver er sekur eða saklaus í málum þjóðarinnar.  Egill missti síg algerlega, og var hreinlega eins og kjáni.  Við þurfum ekki að vera að leita að sökudólg þessa daganna við þurfum skýringar og finna leiðir til að komast með sem minnstum skaða úr þessari krísu ekki að hengja einhverja.  Leiðin til þess er að tala saman og skiptast á skoðunum og síðan hæfa sérfræðinga til að vinna úr niðurstöðunum. 

[Ragnar (IP-tala skráð) 12.10.2008 kl. 23:56]

Staðreyndirnar eru öllum augljósar:

Sjálfstæðisflokkurinn er ábyrgur fyrir þessu hörmungum.

Davíð Oddsson var formaður flokksins og stjórnaði einkavinavæðingu bankanna.
Hann gerðist síðan æðsti embættismaður fjármála Íslands.
Hann ber ábyrgð á því að skuld íslenska ríkisins í dag er 12 föld þjóðarframleiðsla þjóðarinnar.
Hann átti að sjá til þess að íslenska þjóðin væri ekki þátttakandi í þeirri áhættu sem sem fylgdi bankastarfseminni.

Davíð Oddsson er maðurinn sem eyðilagði Ísland.

Sjálfstæðisflokkurinn verður lagður niður.

Það verður að stofna nýja stjórnmálaflokka með nýju fólki.

[Vilhjálmur Örn Vilhjálmsson, 13.10.2008 kl. 07:39]

Þetta fjallar ekki um að skora stig. Þeir sem hafa sópað til sig í græðgisveislunni hafa flest stig, og verða að skila þeim til þeirra sem hafa fæst stig, svo við getum lifað áfram í landinu.

[Halla Rut , 13.10.2008 kl. 12:02]

Ég er bara svo gáttuð á því hve margir ennþá dýrka þessa menn og dá.  Þessir menn eru og hafa alltaf verið " the untouchable"

Skal einhvern undra að fólk sé reitt og sárt yfir því hvernig þessir menn hafa farið með okkur öll og okkar ófæddu afkomendur. Og auðvitað er þetta einnig þeim að kenna er voru við ríkisstjórn síðustu 15 ár. Þeir leyfðu þeim að gera þetta allt. Þeir samþykktu að þjóðtryggja allar þessar bankainnistæður. Við vorum öll sett í ábyrgð fyrir örfáa ævintýramenn okkur öllum að forspurðum.

Samt finnst mér ótrúlegt hvað Björgúlfur sleppur við almenningsálitið en það er jú mest hann sem komið hefur okkur á þann stað sem við erum nú á.

Jón Ásgeri tók yfir margann manninn og var það þá kallað "þetta er bara business" það sama segi ég um þetta viðtal, það átti fullan rétt á sér og hef ég fullan skilning á Agli. Mundi ekki treysta mér til að ræða við þá sjálf.

Menn fá á sig dóm fyrir að stela út í sjoppu en þessir menn munu sennilega sleppa allir þrátt fyrir að hafa með svikum og prettum gert okkur gjaldþrota og tekið af okkur þau lífsskilyrði sem við eigum að venjast. 

Og það skal engin halda því fram að þeir verði ekki auðmenn ennþá. Þeir eiga peninga þar sem leynd hvílir yfir. 

Hér er báturinn hans Jóns sem Siglir undir flagi Cayman Islands, þið munið frá Silfri Egils, staðurinn sem Jón veit ekki hvar er (eyjan sem Egill talar um er undir Cayman Islands). Merki þeirra hjóna 101 er þarna á bátnum fyrir miðju. http://www.superyachttimes.com/yachts/details/121

Annast væri ég í vonbrigðum ef maður eins klár og Jón ætti ekki varasjóð einhverstaðar. Auðvitað á hann það. Annars er hann fífl.

[Dögg Pálsdóttir, 13.10.2008 kl. 12:18]

Punkturinn í bloggi mínu er einfaldur. Viðmælandinn í þættinum hélt ró sinni. Spyrillinn gerði það ekki. Spyrillinn fékk gullið tækifæri til að sauma að viðmælandanum og krefja hann svara við þeim spurningum sem á okkur öllum brenna. Hann klúðraði því tækifæri með svo afdrífaríkum hætti að enn hafa ekki fengist svör sem við öll hefðum gjarnan viljað fá.

[Halla Rut , 13.10.2008 kl. 12:25]

Skil hvað þú ert að segja en heldur þú virkilega að við hefðum fengið einhver virkileg svör, einhver svör sem hefðu skipt máli? Held ekki.

En tek það fram að það er stjórn landsins sem leyfði þessum mönnum að setja okkur öll í ábyrgð. Þeir bera hina raunverulega ábyrgð.