Jákvætt skref

Það er gott að heyra að setja eigi á laggirnar hóp til að skoða staðgöngumæðrun. Þegar lögin um tæknifrjóvgun voru lögfest fyrir liðlega áratug var staðgöngumæðrun bönnuð. Síðan hefur margt breyst. Lönd, sem áður bönnuðu staðgöngumæðrun, leyfa hana undir ströngum skilmálum. Það er sjálfsagt, eðlilegt og nauðsynlegt að löggjöf okkar fylgi þróun á þessu sviði. Með staðgöngumæðrun opnast enn fleiri pörum möguleiki á því að eignast börn, gagnkynhneigðum sem samkynhneigðum. Við höfum gert breytingar á löggjöf okkar um tæknifrjóvgun í þá veru að segja það mannréttindi að eignast barn. Upphaflega var litið svo á að tæknifrjóvgun væri meðferð við ófrjósemi. Eftir að það skref var stigið, að opna tæknifrjóvgunarmeðferð fyrir samkynhneigðum konum hlaut það einungis að vera tímaspursmál hvenær við tækjum það næsta, þ.e. að leyfa staðgöngumæðrunina. Umræðan á Alþingi og ummæli heilbrigðisráðherra benda til undirbúnings að því. Því ber að fagna.

Um staðgöngumæðrun bloggaði ég í apríl 2007 og má lesa þá færslu hér.

Rætt verði um leg að láni

Athugasemdir

[Guðrún Þóra Hjaltadóttir, 14.9.2008 kl. 15:48]

Er þetta ekki bara spurning um að samræma lög ?

Það hefur stundum komið upp í huga minn hvernig verði með blessuð börnin þegar þau vilja vita uppruna sinn.

Mér datt í hug í gríni að sjálfsögðu að "frjóvgunarstöðvarnar" myndu hafa eitt stórt herbergi með myndum af öllum þeim mönnunm sem gefið hafa sæði og leyft börnunum að koma aðra hverja helgi og horfa á mynsirnar.