Áhugaverður fundur

Það voru fróðleg framsöguerindi oddvita meirihlutaflokkanna í Reykjavík í Valhöll í hádeginu. Sérstaklega fannst mér áhugavert að heyra lýsingar oddvita Framsóknarflokksins á Tjarnarkvartettssamstarfinu - 100 daga samstarfinu. Þar birtist aðeins önnur mynd en hingað til hefur verið reynt að mála af því samstarfi. En oddviti Framsóknarflokksins sagði líka að meirihluti Sjálfstæðisflokks og Framsóknarflokks hefði í raun verið eina starfhæfa meirihlutasamstarfið í þeirri stöðu sem mál eru nú í borginni. Sjálfsagt er það rétt mat. Það er greinilega góð pólitísk kemistría milli oddvitanna og ekki annað að heyra en að bæði ætli að láta þetta samstarf standa út kjörtímabilið. Fyrirspurnir báru með sér að skipulagsmál eru ofarlega í hugum borgarbúa. Þar er verk að vinna fyrir nýjan meirihluta. Fyrir nýjan meirihluta er mikilvægast að endurvinna með verkum sínum traust borgarbúa. En ég saknaði þess að sjá ekki aðra borgarfulltrúa Sjálfstæðisflokksins á fundinum.

Fjármálin í forgang

Athugasemdir

[Svavar Bjarnason (IP-tala skráð) 11.9.2008 kl. 18:40]

Þetta hefur vissulega verið merkilegur fundur og hefur samkvæmt því sem þú segir gefið góða karakterlýsingu á nýja samstarfsmanni ykkar. Nú veist þú hvernig hann mun tala um ykkur, þegar þessu samstarfi ykkar nýtur ekki lengur við!

[Sigrún Jóna (IP-tala skráð) 11.9.2008 kl. 20:59]

Sigurbjörg og Svavar. Verið ekki að gera Óskar fyrirfram upp einhver óheilindi eða baktal.

Eða þekkið þið hann af slíku?

[Svavar Bjarnason (IP-tala skráð) 11.9.2008 kl. 22:54]

Kæra Dögg.

Við vorum ekki að gera Óskari upp óheilindi eða baktal, heldur varst það þú sem gerðir það.

[Sigrún Jóna (IP-tala skráð) 11.9.2008 kl. 23:07]

Nú er ég hætt að skilja. heiti ég Dögg, eða hefur eitthvað farið framhjá mér?

Sennilega best að fara að sofa.

En ég var samt stödd á umræddum fundi og ekkert fór þar framhjá mér.