Málastapp

DV gerir mér þann heiður að skreyta forsíðuna með mynd af mér í tilefni af því að ég á í málarekstri við verktaka sem ég og sonur minn fengum til starfa fyrir okkur á síðasta ári.

Mörg slík mál eiga sér stað milli seljanda og neytanda.  Rót málsins felst í að verktakinn og undirverktakar á hans vegum kröfðu okkur um efniskostnað sem reyndist vera milljónum krónum hærri en efniskostnaðurinn sem þeir sjálfir greiddu. Til viðbótar tafðist verkið verulega með ærnum  viðbótarkostnaði auk þess sem upphafleg verðáætlun verktakans fór langt fram úr áætlun án þess að hann varaði okkur við á neinu stigi.  

Það er auðvitað ótrúleg tilviljun að vera á sama tíma í málaferlum við tvo gagnaðila, sem báðir heita Saga. 

Athugasemdir

[Aðalheiður Ámundadóttir, 26.6.2008 kl. 13:14]

Þetta er fínasta mynd Dögg.  En það er nýtt að það teljist forsíðufréttir að verktakar og einstaklingar eigi í málaferlum, eða er það ekki?

[Dögg Pálsdóttir, 26.6.2008 kl. 14:42]

Sæl Aðalheiður. Ég hef hingað til ekki vitað til þess að það sé sérstaklega fréttnæmt - enda fjöldamörg slík mál rekin á hverju ári. En það virðist sem varaþingmennskan geri allt líf mitt sérstaklega áhugavert. Bkv. Dögg

[Kolbrún Baldursdóttir, 26.6.2008 kl. 19:59]

Sæl,  ég er með færslu á visir.is um svona mál sem ég er nýlega búin að upplifa á eigin skinni þótt stærðargráðan sé ekki sú sama.

Gat ekki haldið aftur að mér að lýsa því aðeins í kjölfar þessarar greinar eða fréttar um þína reynslu í DV í dag.
Gangi þér vel með þetta.

[Hörður Finnbogason, 1.7.2008 kl. 07:59]

Með allri virðingu fyrir þeirri raun sem þú þarft að ganga í gegnum varðandi verktaka að þá segirðu að þeir hafi fengið efniskostnaðinn mörgum milljónum eða einnar milljónar neðar en þeir selja út til þín.  Ekki veit ég neitt hvað þetta eru háar upphæðir og ég hef ekki haft tíma að leas DV en þetta vekur upp eina spurningu.. áttu þeir að gefa þér afsláttinn sem þeir hafa í búðunum?