Gríman 2008

Það var vel við hæfi að Þuríður Pálsdóttir söngkona fengi heiðursverðlaun Leiklistarsambands Íslands fyrir framúrskarandi ævistarf í þágu sönglistar á Íslandi. Umhugsunarefni eru orð hennar um þá erlendu tónlistarmenn sem hingað komu eftir síðustu heimstyrjöldina og lögðu með öðrum grunn að því blómlega tónlistarlífi sem hér er.

Mér þótti sérstaklega ánægjulegt að leiksýning ársins skyldi vera Hamskiptin. Það var besta leikritið sem ég sá í vetur. Áhrifamikil og vel leikin sýning. Brynhildur Guðjónsdóttir var stjarna kvöldsins með tvær Grímur. Glæsilegur árangur hjá henni. Gói og Jói voru óborganlegir og límdu dagskrána sérlega vel saman. Frábært kvöld og góð skemmtun. 

Brynhildur leikkona og leikskáld ársins

Athugasemdir

[Sigurður Þór Guðjónsson, 14.6.2008 kl. 20:34]

Þuríður er mjög vel að þessu komin. Jónas Sen hefur fært ágæt rök fyrir því að einmitt þessir erlendu tónlistarmenn hafi gert íslenskt tónlistarlíf að því sem það varð öllum öðrum fremur og mótað blæ þess í ofanálag.