Dagprísar

Ég hef bloggað um það áður að mér er óskiljanlegt af hverju það eru dagprísar á eldsneytinu. Birgðirnar eru greinilega beintengdar við heimsmarkaðsverðið.

Og það þarf svo sannarlega að fylgjast með verðlaginu. Mogginn hefur verið með ágætar ábendingar, auratal, á baksíðunni um ótrúlegan verðmun á sömu vörunni. Sjálf er ég búin að reka mig á, með örfárra daga millibili, að merkt verð í hillu er allt annað en verðið á kassanum. Keypti gul epli í búð fyrir helgi og þá virtist sem kg-verðið væri á bilinu 189 - 229 kr. Þegar að kassanum kom reyndist kílóverðið vel yfir 300 kr. Sama gerðist í kvöld þegar ég keypti gul epli. Á hillunni stóð 269 kr. / kg en þegar að kassanum kom var verðið orðið 299 kr. Í báðum tilvikum gerði ég athugasemd og í báðum tilvikum var þetta leiðrétt. En ég velti fyrir mér hvað mikið er um rangmerkingar þannig að verð á hillu er lægra en á kassanum og hvað margt af þessu fer algerlega framhjá manni.

Eldsneyti hækkar um 6-7 krónur

Athugasemdir

[Hólmdís Hjartardóttir, 9.6.2008 kl. 22:52]

Neytendur þurfa að vera miklu betur vakandi

[Jón Aðalsteinn Jónsson, 9.6.2008 kl. 23:30]

Ert þu ekki í aðstöðu til að setja viðurlög við þessu eg bennti á i bloggfærslu að ég hefði verið rændur i klukkubúð þvi var ekki kippt í liðinn eg vildi ekki auðmýkja grey unglinginn sem var að vinna Þetta var ca andvirði Nissa stykkis en fyrir það hefði unglingur verið snúin niður ef að þjófnaðurinn hefði verið í hina áttina. Það er ykkar lögjafans að vernda okkur.

[Gísli Tryggvason, 9.6.2008 kl. 23:51]

Sjá hér tillögur um úrbætur.

[B.N. (IP-tala skráð) 10.6.2008 kl. 00:40]

Ég var að skoða verð og verðþróun frá síðustu áramótum hjá Q8 í Danmörk. Það kom til að ég var að lesa dv.is rétt í þessu og þar kom fram í frétt að eldneytisverð hér á landi hafi hækkað um tæp 36% frá áramótum. 1. janúar kostaði líterinn af 95 okt. bensíni í sjálfsafgreiðlu hjá Q8 í D.K. 10.61 danskar krónur en í dag 9. júni 2008 kostar sami líter 11.39 danskar krónur. Hvað hefur líterinn þá hækkað í prósentum frá áramótum í Danmörk? Er niðurstaða þessa dæmis mismunurinn á milli landanna dönum í vil ekki hagstjórnarmistökum Sjálfstæðisflokksins um að kenna?

Baldvin Nielsen, Reykjanesbæ 

P.S. Að gefnu tilefni er umhverfisgjaldið  22 aurar danskar pr.líter í Danmörk og það gjald er að finna í góðri sundurliðun hver fær hvað úr hverjum lítra sem seldur er þar á bæ. Jafnframt  má sjá verðþróun sundurliðaða á eldneyti sem nær eitt ár aftur í tíman hvern dag fyrir sig. Gott dæmi hvernig heimasíða á að vera til .þess að neytandinn geti fylgst vel með þróun mála og til að sjá hver fær hvað úr hverjum lítra er gott og hollt að skoða heimasíðuna q8.dk