Umhugsunarefni

Það kemur útaf fyrir sig ekki á óvart að fv. hr. Ísland skuli fá miskabætur fyrir það hvernig staðið var að því að svipta hann titlinum. Ég er hins vegar mjög hugsi yfir því að honum skuli dæmd svo há fjárhæð því börn sem lenda í kynferðislegri misnotkun eru í mörgum tilvikum að fá litlu hærri bætur en 200.000 kr.  Hefði ég þó haldið að miski barnanna sé miklum mun meiri. Flest ef ekki öll börn sem verða fyrir kynferðislegri misnotkun fá varanleg ör á sálina og bíða þess í raun aldrei bætur. Svipting fegurðartitils veldur að mínu mati tæpast nokkru varanlegu andlegu tjóni.

Fær bætur fyrir að missa fegurðartitil

Athugasemdir

[Kristinn Jonasson (IP-tala skráð) 1.2.2008 kl. 12:22]

Sammála þessu, vissulega rangt staðið að sviptingunni, en Dómstólar þurfa aðeins að fara að skýra betur þessar niðurstöður um skaðabætur í þeirra málum.

[Anna Karlsdóttir, 1.2.2008 kl. 13:17]

Ég er sammála þér Dögg, þetta er sérkennilegt!

[Anna Benkovic Mikaelsdóttir, 1.2.2008 kl. 13:37]

Góður punktur!

[Beturvitringur (IP-tala skráð) 1.2.2008 kl. 16:54]

Já, "verðskráin" er illa broguð. Takk fyrir að koma með þetta.

[Beturvitringur (IP-tala skráð) 1.2.2008 kl. 20:15]

M.t.t. þessa hlýtur að vera búið að skemma líkama og sál þessa drengs til lífstíðar.

Þetta er óforskammað gagnvart þeim sem bera ör á sál sinni ævilangt. Þeirra skaða fær ekkert bætt, en stundum getur fjárstuðningur / miskabætur létt undir, í leit að bærilegu lífi.

[Inga Lára Helgadóttir, 2.2.2008 kl. 17:08]

Alveg út í hött en það er líka margt við þessa keppni sem mér finnst alveg fáránlegt.

Kveðja og hafðu gott Dögg,

Inga Lára

[Þórhallur Helgason (IP-tala skráð) 3.2.2008 kl. 01:03]

Karl Jóhann: Jú, svona rétt eins og Dögg er frjálst að segja sína skoðun á þessu máli ÁN þess að fá athugasemd frá þér... ;)

[Vilhjálmur (IP-tala skráð) 3.2.2008 kl. 23:34]

Út í hött hjá þér Dögg að vera að setja þig á háan hest á kostnað saklauss drengs út í bæ og blanda hans máli saman við þá hræðilegu glæpi sem þú nefnir. Það eru líklega flestir sammála um að bætur í alvarlegum kynferðisafbrotamálum eru allt of lágar, en það kemur máli fv. hr. Íslands ekki vitund við.

 Það verður seint sagt að bætur í miskabótamálum séu almennt háar á Íslandi, langt því frá, þó sumir hafi skynjað einhverja breytingu þar á með dómi í máli fv. sjónvarpsstjóra S1.

[Matthildur Jóhannsdóttir (IP-tala skráð) 5.2.2008 kl. 18:48]

Allir hafa rétt til að tjá skoðanir sínar, Dögg hefur það líka.

Persónulega finnst mér allt í lagi að bera saman skaða "verð" af áföllum, þó að í mínum huga, sé annað áskapað og kjánaprik,(pesónuleg skoðun, ha...ha..)    en börn verða aldrei samábyrg heldur eru þau sköðuð vísvitandi.

Þó að ég efist ekki um að Auminga litli drengurinn hafi verið skaðaður þá tel ég seint að um vísvitandi ásetning hafi verið að ræða.

Bestu kveðjur

Vonda konan...ha....ha....ha....