Nýr vinkill

Frumkvæði Umba vegna REI málsins er athyglisvert. Spurningarnar sem hann setur fram (sjá hér) benda til þess að hann sjái að margvíslegir annmarkar kunni að vera á því hvernig staðið  var að málum. Spurningarnar eru hvassar og beinskeyttar og snúa m.a. að því af hverju einn nafngreindur einstaklingur fékk að kaupa hlutafé í gamla REI og hvaða hluti fékk hann að kaupa.  

Þá liggur fyrir að Héraðsdómur Reykjavíkur hefur samþykkt flýtimeðferð á dómsmáli því sem borgarfulltrúi VG hefur ákveðið að höfða vegna lögmætis eigendafundarins.

Þótt ýmislegt hafi skýrst í þessu máli á síðustu dögum, þá er ljóst að fjölmörgum spurningum er ennþá ósvarað.

Umboðsmaður Alþingis óskar upplýsinga um REI

Athugasemdir

[Júlíus Valsson, 11.10.2007 kl. 10:08]

Ummæli vikunnar hljóta að vera í viðtalinu við Björn Inga í DV í dag þar sem hann segir:

"Mér er sagt, að ég hafi gert viðskiptasamning, sem mér yrði hælt fyrir í viðskiptalífinu. Ég er hins vegar í stjórnmálum og þess vegna hlýt ég skammir fyrir".

Þetta er hrein snilld!

[Bjarni Kjartansson, 11.10.2007 kl. 14:02]

Bjarni keypti EKKI á sinni kennitölu.

Hann fékk að kaupa í nafni félgs í sinni eigu.  Sjávarsýn ehf.