Það er skiljanlegt

að hjúkrunarfræðingar séu ósáttir við að þessu kjarasamningsákvæði skuli hægt að beita fyrir lögreglumenn en ekki enn a.m.k. fyrir þá. 

Mér sýnist að rökin fyrir álagsgreiðslunni til lögreglumannanna séu aukið álag og aukin verkefni vegna sameiningar lögregluliðanna. Gætu þau rök ekki átt við um mun fleiri starfshópa. Hvað með kennara, leikskólakennara, aðrar heilbrigðisstéttir? 

„Ólíðandi mismunun“

Athugasemdir

[Níels A. Ársælsson., 28.9.2007 kl. 07:59]

Rétt. En hvað geta sjómenn sagt, 30% niðurskurður á þorskveiðum og engar aðgerðir til að bæta skaðann til handa þeim ?

[Sigurður Viktor Úlfarsson, 28.9.2007 kl. 09:23]

Látum bara alla fá 30 þúsund kall.  Þá hoppar verðbólgan aðeins, 30 þúsund kallinn verður að núlli og búið mál.  En allir sitja glaðir heima með horfna 30 þúsund kallinn sinn.

[Hans Jörgen Hansen, 28.9.2007 kl. 10:03]

Væri þá ekki sniðugra að hrófla við launum þeirra sem hafa efni á þvi í stað þess að nota verðbólguna sem afsökun til að hækka ekki laun þeirra sem minnst hafa og eru undir mesta álaginu..

[Jakob Falur Kristinsson, 28.9.2007 kl. 11:07]

Það er staðreynd að þeir sem hafa lægstu tekjurnar eru í raun undir mestu álagi ekki bara í starfi, heldur allan þann tíma sem viðkomandi er vakandi og kemur það til af stöðugum fjárhagsáhyggjum.  Því ekkert er verra en vita aldrei hvernig lifa á af hver mánuð.

[Gísli Baldvinsson (IP-tala skráð) 28.9.2007 kl. 11:44]

Minni á að lögreglumenn hafa ekki samningsrétt enda settu þeir sig sjálfir undir kjaranefnd. Þar eru t.d. prestar og fl. Ekki er því hægt að bera saman ákvörðun ráðherra við stéttir sem hafa samningsrétt eða hafa þurft að semja með lagasetningaröxi við höfuð sér. Skrýtið að verðbólgan vex aðeins ef uppeldisstéttir fá hækkanir. Það sagði Tryggvi Þór á sínum tíma. Hann hlýtur að segja satt enda hagfræðingur.