Fleiri spældir

Ef marka má Reykjavíkurbréfið í Morgunblaðinu í dag þá eru fleiri en Framsókn og Vinstri grænir spældir yfir því að ríkisstjórn Sjálfstæðisflokks og Samfylkingar virðist vera í burðarliðnum. Morgunblaðið er svo súrt yfir þeim stjórnarmyndunarviðræðum sem í gangi eru að það hálfa væri nóg.

Vangavelturnar í  Reykjavíkurbréfinu eru með ólíkindum. Samsæriskenningar út og suður. Einhvern veginn fer þetta ekki Morgunblaðinu að láta svona. Síst af öllu ef blaðið ætlast til að tekið sé mark á því í pólitískri umræðu. 

Athugasemdir

[Inga Lára Helgadóttir, 20.5.2007 kl. 16:40]

já mér finnst einmitt einkennilegt þetta með Moggann, þar sem hann hefur alltaf haft ákveðinn standard og talað er um að Mogginn ljúgi aldrei... ætli sé verið að stæla sorpritið DV.... eða hvað ?

[Júlíus Valsson, 20.5.2007 kl. 16:52]

Varla hefði Mogginn viljað sjá S+V. Ég get hreint ekki séð hvernið það hefði getað gengið upp. D+B var alltof veikburða nema þeir hefðu tekið F með í spilið og hver hefði svo sem viljað sjá þá í ríkisstjórn? Margrét Sverrisdóttir sem sjávarútvegsráðherra? Geir veit hvað hann er að gera en hvernig kemur hann í veg fyrir að ISG sprengi stjórnina þegar henni sýnist? Hver treystir henni? Best vær e.t.v. að gera hana strax að forsætisráðherra. Þá gæti hún orðið til friðs næstu árin a.m.k. Ekki öfunda ég Geir í þessari stöðu. Skyldi hann semja um fjölþrepa skattakerfi og tilvísanaskyldu í heilbrigðiskerfinu? Varla.  

[Vilhjálmur Þorsteinsson, 20.5.2007 kl. 17:51]

Af einhverjum stórfurðulegum ástæðum virðist Styrmir vilja D+V.  Mér er alveg hulið hvað ætti að koma út úr því.  Afturför í Evrópumálum, óbreytt landbúnaðarkerfi, stopp í einkavæðingu...  Hvað er Mogginn að hugsa?

[Grímur Kjartansson, 20.5.2007 kl. 21:46]

Morgunkaffið stóð nú í mér um daginn þegar ég las á forsíðu Morgunblaðsins að ekki væri hægt að ræða við ISG vegna hroka. Þessi „frétt“ sýndi hug Morgunblaðsins til þeirrar stjórnar sem nú er að myndast á Þingvöllum og miðað við reykjavíkurbréfið í dag þá má búast við að Mbl. muni gera sitt besta til að eyðileggja þetta stjórnsamstarf.  Að halda því fram að mikilvægasta verkefni Sjálfstæðisflokksins  á næstunni sé að sleikja fýluna úr Frjálslyndaflokknum er náttúrlega ótrúlegur málaflutningur.

[Inga Lára Helgadóttir, 20.5.2007 kl. 22:05]

Mogginn hefur komið mikið á óvart þessa dagana, hef reyndar aldrei séð Ingibjörgu eins yfirvegaða eins og einmitt síðustu daga

[Þorsteinn Egilson, 20.5.2007 kl. 23:08]

Skriðþungalögmálið (tregðulögmálið) í hnotskurn: Hlutur á ferð breytir ekki um stefnu nema til komi utanaðkomandi kraftur þvert á þá fyrri!!