Spældir

Ég fór í Þjóðleikhúsið í kvöld til að sjá uppsetningu ensks leikhóps á lítt þekktu stykki eftir Shakespeare. Shakespeare hefur nú aldrei verið mjög ofarlega á lista yfir mína uppáhaldshöfunda svo ég fór á sýninguna með hálfum huga. En sýningin kom skemmtilega á óvart. Hún var raunar hreint frábær. Mæli með henni.

En vegna leikhúsferðar sá ég ekki fréttir kvöldsins og Kastljós fyrr en núna áðan. Mikið var dapurlegt að sjá þá Steingrím J og Guðna í Kastljósinu. Framsókn í öngum sínum að vera að missa ráðherrastólana og Vinstri grænir í öngum sínum yfir að sjá ráðherrastólana renna úr greipum sér. Þetta voru tveir alveg sérstaklega spældir menn sem þjóðin sá. Ég veit ekki hvor var aumkunarverðari. Sennilega þó Guðni með fráleitar skýringar á því að eitthvað DV blað á miðvikudegi fyrir kosningar hefði stöðvað fljúgandi ferð sem Framsókn hefði þá verið komin á í fylgisaukningu.

Fullyrðingar Steingríms J um að þeir hafi allan tímann viljað Framsókn með í vinstri stjórn standast enga skoðun. Þjóðin er ekki svona fljót að gleyma. Frá því að fyrir lá að stjórnin hélt velli hafa Vinstri grænir verið óþreytandi í að halda því fram að Framsókn væri ekki á vetur setjandi, svo aumir væru þeir eftir afhroð í kosningum. Stjórn Framsóknar og Sjálfstæðisflokks væri lekt fley, hengi á einni hjör, fengi ekki haffærisskírteini. Fleiri myndrænar lýsingar hefur Steingrímur J notað um ríkisstjórn með Framsókn innanborðs. Nú er komið í ljós að Framsókn er bara allt í lagi ef hún verður þriðja hjól undir stjórn Vinstri grænna og Samfylkingar. Ætlast menn til að tekið sé mark á svona málflutingi?  

Athugasemdir

[þorsteinn (IP-tala skráð) 18.5.2007 kl. 02:54]

já ér er sko sammála þér , þeir sýmdust báðir vera mjog ufundsjúkir út í samfylkinguna að komast ekki í stjórn..enn opinberaði framsókn sig að þeir gera allt til að bara getað verið í sjtórn og svor virðist sem steingrímur kalling hafi leikið illilega af sér þegar hann útilokiði fyrir nokkrum dögum að honum hugnaðist ekki stjórn með framsókn , því hver veit nema á þeim tímpunkti hefðu bæði framsókn og samfylking verið til í að skoða þá möguleika , en eins og isg sagði í kvöld þá er bara of seint fyrir steingrím að bjóða henni forsætisráðherrastólinn núna.

[Inga Lára Helgadóttir, 18.5.2007 kl. 10:46]

Sammála nákvæmlega það sem ég skrifaði á mínu bloggi líka, nema bara í færri orðum og ég fór ekki á leikrit eftir Shakespeare.

en ég sá þáttinn og mér fannst þeir verða sér til skammar, hvernig Guðni vogaði sér að tala og hvað Steingrímur var ræfilslegur greyið, svo þegar Guðni sagðist vera til i að skoða stjórnarsamstarf með Samfylkingu og VG, þá alveg roðnaði Steingrímur og skipti gersamlega um skap. Mikið komu þeir báðir illa út úr þessu viðtali

Kveðja Inga Lára  

[Berglind Elva (IP-tala skráð) 18.5.2007 kl. 14:33]

Þeir eru búnir að margskjóta sig í fótinn og blóðugir munu þeir skríðandi halda áfram í veikri von um að komast í ríkisstjórn, ótrúleg framganga þessara manna. Ég hef nú framan af haft mikið álit á Steingrími J.  en síðustu ár upplifi ég hann bara sem bitran mann sem er hættur að vera málefnanlegur.