Kosningaloforð Samfylkingarinnar

Þriðjudagur, 1. maí 2007

Kosningaloforð Samfylkingarinnar

Samfylkingin hefur aðallega tvö kosningamál: að eyða biðlistum eftir vistrými fyrir aldraða og bæta tannheilsu barna.

Fyrir stuttu benti ég á með hvaða hætti Samfylkingin stóð að því að bæta tannheilsu barna, síðast þegar Samfylkingarmaður sat í stól heilbrigðisráðherra.

Varðandi biðlistana þá liggur fyrir að ríkisstjórnin er nú þegar búin að setja fram verkáætlun um byggingu 374 hjúkrunarrýma fyrir aldraðra fram til 2010. Af þeim munu 65 tekin í notkun á þessu ári. Ásta Möller fer ágætlega yfir þetta á bloggi sínu í dag og vísast til þess.

Þegar Samfylkingin leiddi R-listann í Reykjavík, í heil 12 ár, gerðist nánast ekkert í húsnæðismálum aldraðra. Síðast þegar Samfylkingin gat eitthvað gert til hagsbóta fyrir tannheilsu barna þá jók hún greiðsluþátttöku foreldra og gerði tannlækningar barna dýrari en áður.

Segir þetta ekki allt sem segja þarf um trúverðugleika Samfylkingarinnar?

Flokkur: Bloggar | Facebook