Lýðheilsuverðlaunin

Það gladdi mig að sjá að Saman hópurinn fékk fyrstu lýðheilsuverðlaunin. Við sem komum að forvarnamálum fyrir ríkisstjórnina upp úr 1996, m.a. í verkefninu Ísland án eiturlyfja, stóðum fyrir því að koma þessum hóp á laggirnar. Við trúðum því að samvinna í forvarnarmálum væri lykilatriði. Það væri betra að fá sem flesta sem að forvörnum starfa til að vinna saman heldur en að hver og einn væri í sínu horni. Samvinna myndi leiða af sér markvissara og árangursríkara forvarnarstarf. Ég tel að starf Saman hópsins hafi sýnt og sannað réttmæti þessa.

Saman hópurinn er öflugur sem aldrei fyrr og fær nú verðuga viðurkenningu fyrir störf sín á undanförnum árum. Til hamingju með það.

Athugasemdir

[Auðun Gíslason, 25.4.2007 kl. 23:58]

Ég legg hér með til að Impregilo fá þau næst!

[Dögg Pálsdóttir, 26.4.2007 kl. 07:32]

Hér eru greinilega miklir húmoristar á ferð. Athugasemdir af þessu tagi eru ósmekklegar og lýsa best þeim sem skrifar. Þá eru þær ómaklegar í garð Saman hópsins sem unnið hefur öflugt starf.