Skoðana- og tjáningarfrelsi

Eru þingmenn Samfylkingarinnar búnir að gleyma því að VG gekk óbundið til þessa stjórnarsamstarfs varðandi aðildarviðræður að EB? Verra er að þingmenn Samfylkingarinnar virðast búnir að gleyma því að í landinu er tjáningarfrelsi og málfrelsi, sbr. 73. gr. stjórnarskrárinnar.:

     Allir eru frjálsir skoðana sinna og sannfæringar.
     Hver maður á rétt á að láta í ljós hugsanir sínar, en ábyrgjast verður hann þær fyrir dómi. Ritskoðun og aðrar sambærilegar tálmanir á tjáningarfrelsi má aldrei í lög leiða.
     Tjáningarfrelsi má aðeins setja skorður með lögum í þágu allsherjarreglu eða öryggis ríkisins, til verndar heilsu eða siðgæði manna eða vegna réttinda eða mannorðs annarra, enda teljist þær nauðsynlegar og samrýmist lýðræðishefðum.

Tuktar þingmenn Vinstri Grænna

Athugasemdir

[Ingibjörg Guðrún Magnúsdóttir, 25.2.2010 kl. 07:35]

Góður punktur Dögg og þarft að fá hann upp á borð núna.

[Hjörtur J. Guðmundsson, 25.2.2010 kl. 08:17]

Þingmenn VG áttu líka að hafa frjálsar hendur með að kjósa með eða á móti ESB-umsókninni sl. sumar en var engu að síður m.a. ítrekað hótað stjórnarslitum af Samfylkingunni ef þeir styddu ekki málið.

[Jón Ingi Kr. (IP-tala skráð) 25.2.2010 kl. 08:54]

Takk fyrir þetta Dögg, eins og allt annað. Þörf áminning.

[Ólafur I Hrólfsson (IP-tala skráð) 25.2.2010 kl. 13:31]

Ágæta Dögg.

Þar sem jafnræðisregla stjórnarskráinnar gildir ekki nema stundum er varla tiltökumál þótt Samfylkingin afnemi tjáningar og skoðanafrelsi með aðstoð VG sem sitja svo í súpunni sjálfir.

Allt hittir þetta fyrir uppruna sinn fyrr eða síðar.

[Ómar Harðarson (IP-tala skráð) 25.2.2010 kl. 18:16]

Orðheldni er ekki hátt skrifuð hjá Sjálfstæðismönnum sé ég, né sumum ónefndum þingmönnum Vg. Samfylkingin og Vg gerðu með sér málefnasamning þar sem lausnin á ágreiningi flokkanna um ESB var sú að þjóðin ætti að skera úr um málið. Það yrði ekki gert nema vita hvað væri í boði. Því var sótt um aðild.

Það vita það allir og Vg þingmenn líka að hefðu þeir orðið til þess að þessum ákvæðum málefnasamningsins yrði ekki hrint í  framkvæmd, þá hefði það þýtt stjórnarslit. Það gildir enn.

[Hrólfur Þ Hraundal, 25.2.2010 kl. 22:42]

Það klikkaði hjá Geir að láta ekki steita á frekjunni í Samfylkinguni og það sama er að gerast hjá VG.

[Gunnar Heiðarsson, 25.2.2010 kl. 23:37]

Þetta er rétt hjá þér Hrólfur, það er eins og menn séu hræddir við Samfó. Hvers vegna í ósköpunum? Það er kannski aumingjagæskan í okkur. Viljum ekki vera vond við þá sem eiga bágt. Samfó þjáist greinilega af minnimáttarkennd og eins og hjá svo mörgum sem þjást af henni, kemur það fram í frekju og yfirgang.

[Ólafur Ingi Hrólfsson, 26.2.2010 kl. 00:52]

 Gunnar -

Minnimáttarkennd brýst oft út sem mikilmennskubrjálæði -

Sé ekki hvar orðheldni Sjálfstæðismanna kemur inn í þetta - hinsvegar er það undarlegt að upplifa þá staðreynd að jafnræðisregla Stjórnarskrárinnar skuli ekki halda nema stundum. Þetta er jú sú regla sem á að gilda alltaf -  í öllum málum og gagnvart öllu fólki.

[Hrólfur Þ Hraundal, 26.2.2010 kl. 01:23]

Ólafur Ingi, sé ekki hvar mikilmensku brjálæði kemur við sögu hjá Gunnari. 

Átta mig heldur ekki á hvar sanleiksást sjálfstæðismanna kemur inn í myndinna.

Það er hinsvegar rétt hjá þér að jafnræðisregla á alltaf að gilda og í raun geri hún það.  En það eru alstaðar til skussar líka í réttarkerfinu.