Kynslóðaskipti

Það eru afgerandi kynslóðaskipti í forystu Framsóknar eftir niðurstöðu í formanns- og varaformannskjöri flokksins. Nú er að sjá hvort það dugi til að tosa upp fylgið hjá flokknum, a.m.k. í skoðanakönnunum.

Birkir Jón Jónsson nýr varaformaður

Athugasemdir

[Guðmundur Pálsson, 18.1.2009 kl. 22:36]

Framsókn er eini flokkurinn sem hefur reynt að endurnýja áhöfnina og tekist það. Ég virði þá fyrir það og nú er að sjá hvað út úr þessu kemur.

Ef hægt væri að knýja fram kosningar og einfaldlega ákveða dagsetningu myndi koma hreyfing á hina flokkana - nýtt fólk og nýjar hugmyndir koma fram.

Sérstaklega er þetta brýnt innan Sjálfstæðisflokksins held ég.  En ég held að menn á þeim bæ þori þessu ekki. Þeir fara öfugt að - ákveða forystu og stefnu svo allt sé læst og pottþétt áður en kosningar koma til tals, einmitt til að minnka átök og uppgjör.

En ég held að almenningur vilji skipti á mannskap og gagngera endurnýjun. Á þessum misskilningi mun flokkurinn tapa.

[Jón Snæbjörnsson, 19.1.2009 kl. 09:18]

það verður spennandi að sjá hvort nýjir formenn Framsóknar nái að skafa undan þessari ljótu vörtu sem hefur fylgt þessum flokki undanfarin misseri - sama á við um Sjálfstæðisflokkinn líka, ég er ansk hræddur um að það sé búið að ákveða röðunina það hafa verið vinnubrögð þessa flokks undanfarið að tryggja gæðungunum volg sæti, en nú þarf að breita.

Guðmudnur Pálsson kemur þessu velt til skila

"En ég held að almenningur vilji skipti á mannskap og gagngera endurnýjun. Á þessum misskilningi mun flokkurinn tapa. "