Glæsilegt

Árangur laganemanna úr HR í þessari alþjóðlegu málflutningskeppni er glæsilegur, ekki síst í ljósi þess að lagadeildin í HR er varla búin að slíta barnsskónum. Ég er stolt af nemendum lagadeildarinnar sem náðu þessum framúrskarandi árangri. Fyrir þá er árangurinn ánægjuleg uppskera þrotlausrar vinnu, vinnu sem þau munu búa að um langa framtíð í störfum sínum sem lögfræðingar.

Kannski eru lagadeildir í landinu nú orðnar of margar - lögfræði er kennd við HÍ, HR, Bifröst og HA. En það var án efa gæfuspor fyrir laganám í landinu þegar lagakennsla hófst í öðrum háskólum. Með því fékk elsta lagadeild landsins, lagadeild HÍ, sem fagnaði 100 ára afmæli sl. haust, öfluga samkeppni, sem hefur skilað betra laganámi alls staðar. Afraksturinn verður betur menntaðir lögfræðingar. Þeirra er alltaf þörf.

Góður árangur í málflutningskeppni

Athugasemdir

[Jóhannes Guðnason, 12.4.2009 kl. 13:31]

Sammála þér Dögg,þetta var glæsilegt hjá þeim,gott að fá svona góðar fréttir,eftir allt áfallið sem dunið hefur yfir þjóðina síðustu daga,smá gleði kemur skapinu í lag,Gleðilega páska Dögg Pálsdóttir.og njóttu vel.

[Lárus Gauti Georgsson (IP-tala skráð) 12.4.2009 kl. 13:51]

Lagadeild Háskóla Íslands fagnaði 100 ára afmæli sl. haust. N.t.t. fagnaði HÍ 100 ára lagakennslu á Íslandi.

Flottur árangur hjá HR-ingum!

[Dögg Pálsdóttir, 13.4.2009 kl. 16:17]

Takk fyrir leiðréttinguna Lárus Gauti. Búin að laga í blogginu.