Síðasti dagur fyrir kosningar

Á föstudögum er ég vön að vera komin í Laugar svona rétt fyrir 6:30 til að reyna á undir hörðum aga einkaþjálfarans. Í morgun ákvað ég að sleppa einkaþjálfuninni en fór samt út í Laugar og gaf morgunhönunum sem þar þjálfa svona snemma blávatnið okkar sem við höfum verið að dreifa út um allt.

Eftir hefðbundinn morgunfund í Valhöll kl. 8 hófust vinnustaðafundir. Listasafn Íslands var heimsótt og margt gagnlegt þar sem við Sigurður Kári heyrðum. Í hádeginu var vinnustaðafundur á ferðaskrifstofu. Þar spunnust fjörlegar og gagnlegar umræður um ýmis mál. Næst liggur leiðin í Norræna húsið og svo munum við halda áfram að dreifa vatni í Kringlunni.

Athugasemdir

[Hjörleifur Guttormsson, 11.5.2007 kl. 20:34]

Það var ekki góð hugmynd hjá þér að sleppa morgunsportinu. Sjálfur var ég kominn í Hreyfingu kl 06 og bjó að því í allan dag. Verra finnst mér þó til fundið hjá Sjálfstæðismönnum sem ásamt Framsókn hafa lögfest einkavæðingu á vatni að vera að útdeila "blávatninu okkar" nokkrum mánuðum áður en lögin sem þeir knúðu fram á Alþingi ganga í gildi að óbreyttu. Það mun þó ekki gerast ef ríkisstjórnin tapar meirihluta sínum á Alþingi.

[Inga Lára Helgadóttir, 11.5.2007 kl. 22:04]

Dögg, ég fór einnig í ræktina í morgun og er búin að eiga góðan tíma með stjórninni minni í Breiðholtinu í dag ....alltaf góður tími hjá okkur í Álfabakka 14.