Það styttist í kosningar

Vinnustaðaheimsóknum fjölgar. Álagið á frambjóðendur eykst. Stöðugur straumur fólks kemur á kosningaskrifstofurnar. Allir vilja leggja sitt af mörkum til að tryggja að Sjálfstæðisflokkurinn komi sem best út úr kosningunum.  

Skoðanakannanirnar halda áfram að streyma inn. Eitthvað próf er í gangi á vefnum til að hjálpa fólki til að ákveða hvað það eigi að kjósa. Treysti því að enginn taki mark á því. Tók það tvisvar og fékk ekki sömu niðurstöðuna þótt ég svaraði eins í bæði skiptin. Var stuðningsmaður Sjálfstæðisflokksins í annað skiptið en eitthvað allt annað í hitt. Skrýtið. En nú er bara að nýta hverja stund til að tryggja sem bestar tölur fyrir Sjálfstæðisflokkinn uppúr kjörkössunum. Það eru þær sem skipta máli en ekki skoðanakannanirnar.

 

Athugasemdir

[Ingibjörg Álfrós Björnsdóttir, 10.5.2007 kl. 00:25]

Sæl Dögg.  Sjálfstæðisflokkurinn lítur dálítið öðruvísi út þegar horft er á hann utanfrá.  Foreldrar mínir hafa alltaf kosið Sjálfstæðisflokkinn, en núna er þau orðin gömul og fá takmarkaða aðstoð enda biðlistar langir og lokanir á spítölum miklar.  Ég segi við þau að þetta sé Sjálfstæðisflokknum að kenna hvernig komið er í málefnum aldraðra en þau vilja ekki trúa því og munu eflaust kjósa ykkur aftur núna í vor.  Ef þið farið svona með gamla sjálfstæðismenn hvernig verður þá farið með okkur hin sem kjósum ykkur alls ekki þegar við verðum gömul ?  Ég bara spyr ?