63:0?

Ég er að horfa á kvöldfréttir RÚV. Skrítið hvað forsætisráðherra var afdráttarlaus í að segja að stjórnin þyrfti ekki á stjórnarandstöðunni að halda vegna Icesave. Þau ummæli komu þvert á ummæli  heilbrigðisráðherra sem sagðist helst vilja sjá Icesave samþykkt með 63:0. Að vísu bætti forsætisráðherra við að auðvitað væri betra að sem breiðust samstaða næðist á þinginu.

Ég held að það sé rétt hjá heilbrigðisráðherra. Gagnvart umheiminum er allra best ef Alþingi ber gæfu til að ná slíkri samstöðu um fyrirvara við Icesave ríkisábyrgðina að allir þingmenn, hvar í flokki sem þeir standa, greiði atkvæði með málinu, breyttu með þeim hætti sem samstaða næst um.

Icesave líklega úr nefnd fyrir vikulok

Athugasemdir

[Ásgeir Rúnar Helgason, 11.8.2009 kl. 19:58]

Sammála :)

[Helgi Jóhann Hauksson, 12.8.2009 kl. 00:40]

Ég held að mörgum finnist ábyrgðaleysi Bjarna Ben og félaga svo botnlaust að ekki taki að tjónka við þeim.

Munum að Bjarni sjálfur var t.d.  aðalflutningsmaður þingsályktunartillögunnar í desember sem fól ríkisstjórninni að ljúka samningum við Brerta og Hollendinga á þeim grunni sem þá lá fyrir. Bjarni rökstuddi þá tillögu þannig að ekki væri annarra kosta völ. Nú hefur lánstími verið lengdur úr 10 árum í 15 ár og afborgunarlaust í 7 ár, það eru 5,55% vexti í stað 6,7% og greiða má lánið upp hvenær sem er eða að hluta ef Íslendingar fá betri kjör annarsstaðar, - og núna er Bjarni og allt hans lið á móti.

Ekki myndi ég reyna að ræða við hann þar sem svo augljóslega allt annað en efni málsins ræður afstöðu hans og Sjálfstæðisflokksins. Það er augljóslega það eitt að komast í ríkisstjórn sem vakir fyrir þeim og ræður þeirra för, fullkomlega skeytingalusir um þjóðarhag og rétt og rangt. - Sjálfstæisflokkur verður að bera sjálfur ábyrgð á afstöðu sinni einn og óstuddur.