Ófullnægjandi skýringar

Skýringar fjármálaráðherra eru alls ófullnægjandi. Góð kjör séu forsenda þess að skuldin fengist endurgreidd? Eiga þau rök ekki við gagnvart öllum? Því betri kjör sem skuldarar fá þeim mun meiri líkur eru á að skuldir fáist endurgreiddar. Þetta eru ekki rök sem halda.

Ekki sýnist sem gjafþegarnir hafi skilið meintar hömlur á starfsemi þeirra með sama hætti. Blekið virðist vart hafa verið þornað á gjafapappírunum þegar annar bankanna gerði sig líklegan til að bjóða í eignir í þrotabúi SPRON.

Svo er spurningin: Á hvaða kjörum fékk ríkissjóður fjármunina sem endurlánaðir eru með þessum gjafakjörum til tveggja fjárfestingabanka?

Steingrímur: Góð vaxtakjör nauðsynleg

Athugasemdir

[Elfur Logadóttir, 30.3.2009 kl. 02:29]

Dögg,

ekki gleyma því að skuldir þessara félaga eiga uppruna sinn hjá Seðlabanka Íslands á síðasta ári. Sem þýðir að kjörin sem ríkissjóður fékk fjármunina á, hljóta að vera kjörin á skuldabréfinu sem ríkissjóður gaf út til Seðlabankans þegar hann yfirtók endurhverfa eignasafnið sem var að sliga Seðlabankann. 

Aðgerðin, að veita þeim þessi góðu lánakjör, hlýtur því að snúast um að skilja á milli feigs og ófeigs hjá þessum fjárfestingabönkum og með einhverjum hætti reyna að verja ríkissjóð frá frekari skaða en nauðsynlegt er.

Á hinn bóginn er ég alveg sammála athugasemdinni um VBS og tilboðið í netbankann.