Í boði Samfylkingar ...

Samfylkingin ber meginábyrgð á þeirri "tímabundnu óvissu í íslenskum stjórnmálum" sem vísað er til í fréttinni. Þess vegna eru áframhaldandi ofurstýrivextir í boði Samfylkingarinnar.

Vildu lækka vexti en ekki IMF

Athugasemdir

[K Zeta, 29.1.2009 kl. 12:01]

Ég myndi ekki hafa mig í frammi Dögg né reyna að finna aðra sökudólga en þá sem sitja þér næst.  Þú ert alltof greind og vel menntuð til að fara að temja þér svona hroka.

[Guðmundur Jónsson, 29.1.2009 kl. 12:17]

Það er ótrúlegt að sjálfstæðiskonan skuli þurfa að benda á samfylkinguna. Var ekki allt sem þurfti til að halda stjórnarasamstarfinu áfram að leifa Jóhönnu að vera forsætisráðherra tvo mánuði ?

Þetta er klúður sjálfstæðismanna ekki síður en Samfylkingarinnar.

Mer finnst eiginleg grátlegt hvað stjórnmálamenn á íslandi virðast upp til hópa vera heimskir sjálfumglaðir eiginhagsmunapotarar og þá er sama hvar í flokki þeir standa. Þessi stjórnarslit nú, tveggja flokka með svona sterkan meirihluta er bara sönnun þess að fólkið í þessum flokkum er illa nothæft og skilur ekki sitt hlutverk á alþingi íslands.

[Anna Einarsdóttir, 29.1.2009 kl. 12:18]

Hver ber ábyrgð á samningsgerð við Alþjóðagjaldeyrissjóðinn ?  Svar;  Geir Haarde. 

Hver ber ábyrgð á því að Seðlabankastjórarnir sitja enn þrátt fyrir vantraust frá stórum hluta Íslendinga, sem og alþjóðasamfélaginu ?  Svar;  Geir Haarde.

"Tímabundin óvissa í íslenskum stjórnmálum" er örugglega setning smíðuð af Davíð Oddssyni.

[Arnar (IP-tala skráð) 29.1.2009 kl. 12:33]

Ég trúi því ekki að þú trúir þessum orðum þínum sjálf!

Ertu búin að lesa Peningamál Seðlabankans þar sem sérfræðingar bankans flytja mörg, þung og sannfærandi rök fyrir óbreyttum stýrivöxtum að sinni eins og raunar allir greiningaraðilar, bæði innlendir og erlendir, eru búnir að spá og það löngu áður en fráfarandi ríkisstjórn þraut örendið? Ritið er aðgengilegt á vef Seðlabankans og þar segir m.a.:

"Markmið peningastefnunnar eru áframhaldandi styrking krónunnar og minnkun gengissveiflna. Gengisþróun ræðst sem stendur einkum af þróun utanríkisviðskipta og vaxtagreiðslna. Mikil óvissa er hins vegar um það hversu háir stýrivextir þurfa að vera til að styðja gengi krónunnar eftir að höft á gjaldeyrisviðskiptum verða afnumin. Þegar dregur úr verðbólgu verður að líkindum hægt að lækka þá ört án þess að tefla gengisstöðugleika í tvísýnu."

"Á meðan höftin eru í gildi (og halda) rofna tengsl innlendra og erlendra vaxta að miklu leyti. Því er ekki sama ástæða og áður til að óttast að gengi krónunnar lækki þegar raunvaxtamunur minnkar. Þegar höftin hverfa munu þessi tengsl hins vegar verða virk á ný. Því væri óvarlegt að reka peningastefnu nú sem tekur ekki tillit til raunvaxtamunarins. Þegar höftunum verður aflétt gætu verulega neikvæðir raunvextir veikt tiltrú fjárfesta, þ.á m. erlendra aðila sem eiga verðbréf í íslenskum krónum, dregið úr hvata þeirra til að endurfjárfesta og aukið tilhneigingu þeirra sem eiga innstæður í bönkum landsins til þess að fara í kringum gjaldeyrisreglur."

"Á meðan traust á peningastefnuna er enn af skornum skammti og óvissa ríkir um afnám haftanna, sem gerir samband vaxta og gengisþróunar óvissara en ella, er brýnt að sýna varúð í vaxtamálum. Vegna þessarar óvissu er stýrivaxtaspá sérfræðinga bankans ekki birt, eins og gert var áður en banka- og gjaldeyriskreppan skall á. Vextirnir verða einfaldlega að ráðast af því hvað þarf til þess að stuðla að gengisþróun í samræmi við gengisforsendur spárinnar þegar höftin hverfa." 

[Kristján Logason, 29.1.2009 kl. 12:44]

Þú veist betur.

Það er verið að nóta seðlabankann til að kasta pólitískum reyklbombum.

IMF hefur þegar lýst yfir hinu gagnstæða. Breyttu þeir þeirri skoðun sinni á tveimur dögum.

Held ekki.

Skemmdarverkum gagnvart þssari þjóð þarf að linna þegar í stað. 

[Þórður Már Jónsson, 29.1.2009 kl. 12:46]

Það er greinilegt að áróðursvél sjálfstæðismanna er velsmurð að venju!!! Mér finnst með ólíkindum að jafn lífsreynd manneskja og þú sjáir ekki í gegnum þessa vitleysu. Eða ertu kannski sjálf eitt hjólið í vélinni?

[Kristján Logason, 29.1.2009 kl. 13:07]

Viljálmur Egilsson í MBL:

Vilhjálmur segist ekki skilja hvernig menn geti samþykkt það með öðru orðinu að Alþjóða gjaldeyrissjóðurinn segi að það eigi ekki að lækka vexti vegna stjórnmálaástandinu um leið og Alþjóða gjaldeyrissjóðurinn segir að hann sé ekki að blanda sér í stjórnmál.

[Freyr (IP-tala skráð) 29.1.2009 kl. 13:07]

Mikið óskaplega hlýtur þú að vera stolt af sjálfri þér, eftir svona málefnalega færslu, sérstaklega þar sem þú ert varaþingmaður í boði þjóðarinnar og átt einmitt að hjálpa okkur á svona uppbyggilegan hátt!

[Stefán (IP-tala skráð) 29.1.2009 kl. 13:28]

... og ég sem hélt að þú værir þokkalega vel gefin Dögg, en nú hverfur það álit bara eins og dögg fyrir sólu ...

[Einar Páll Svavarsson (IP-tala skráð) 29.1.2009 kl. 15:03]

Væri nú ekki við hæfi að við sem höfum stutt Sjálfstæðisflokkinn til margra áratuga og erum í Sjálfstæðisflokknum, tækjum til heima hjá okkur áður en við förum að temja okkur svona yfirlýsingar. Satt að segja er þetta frekar kjánaleg yfirlýsing frá þér Dögg.

[Dögg Pálsdóttir, 29.1.2009 kl. 15:26]

Vó hvað fólk er viðkvæmt. Ekki ætla ég að firra Sjálfstæðisflokkinn ábyrgð á stöðu mála - en í fréttinni kemur fram að bankastjórninn hafi viljað lækka stýrivextina en AGS verið á móti því vegna óvissu um stjórnmálahorfur hér. Það var einfaldlega punkturinn sem ég setti fram. Samningurinn við AGS var gerður af Sjálfstæðisflokki og Samfylkingu enda ekki annarra úrræða völ. Ekki er annað að sjá en að ný ríkisstjórn ætli að fara í öllu eftir þeim samningi. Ef Samfylkingin hefði ekki komið með algerlega óaðgengilegar kröfur varðandi forystuna í ríkisstjórninni væri ríkisstjórnin enn sitjandi og stýrivextir hefðu væntanlega lækkað. Nema ekkert sé að marka það sem segir í Peningamálum frá Seðlabanka Íslands. Ég get svosem ekkert útilokað það.

[Brynjar (IP-tala skráð) 29.1.2009 kl. 15:56]

" Vó Hvað fólk er viðkvæmt"  Er ekki allt í lagi með þig kona.  Kanntu ekki að skammast þín.

Brynjar

[Vigfús Davíðsson, 29.1.2009 kl. 22:15]

Sjálfstæðisflokkurinn búinn að stjórna landinu í 18 ár . Og landið er gjaldþrota . Skuldirnar komnar í 2.400 miljarða . Farðu að vakna kona .

[Hörður Már Karlsson (IP-tala skráð) 29.1.2009 kl. 22:29]

Ég held að þú ættir að halda þig við það sem þú hefur mest vit á þ.e.a.s hlutabréfakaup.

[Tiger, 30.1.2009 kl. 14:24]

Hahaha .. þið hljótið að vera að grínast - þið sem hafið verið að senda hér inn athugasemdum!

Bara vegna þess að blogghöfundur er sjálfstæðiskona og þekkt í þjóðfélaginu - má hún ekki hafa eigin skoðanir og setja þær fram eins og hana langar til.

Meina, ef ekki á eigin bloggi - hvar eigum við þá að setja fram okkar eigin skoðanir? Ykkar ráðleggingar/athugasemdir til hennar, eins og "Vaknaðu kona" - "Er ekki í lagi með þig -Skammastu þín" - "Kornfleskpakki hvað" - "þú ert ekki vel gefin" - "Áróðurssmurða sjálfstæðishjól" og "Hrokagikkur" - eru ykkur frekar til vansa en að það sé eitthvað athugavert við að sjálfstæðiskona skuli gagnrýna aðra flokka.

Auðvitað er ekkert athugavert við að sjálfstæðisfólk gagnrýni eða segi skoðun sína á málefnum með sinn flokk í skjóli en skothríðina á aðra flokka - rétt eins og við gerum öll á einhvern hátt með okkar eigin flokk.

Nota bene - nei ég er ekki sjálfstæðismaður og mun sennilega aldrei verða slíkur! Ykkur að segja .. haha .. jamm ég styð samfylkinguna en get vel unnt sjálfstæðismönnum að klóra í minn flokk án þess að sýna hroka og yfirlæti á móti. Ég nota bara mitt blogg (hugsanlega einhvern tíman) til að ráðast á flokka eða málefni sem mér eru ofarlega í huga á krepputímum ...