Leita í fréttum mbl.is

Velferðarstjórn?

Hvernig ætlar tveggja til þriggja mánaða ríkisstjórn, minnihlutastjórn og ekkert nema bráðabirgðastjórn, að vera velferðarstjórn? Og samt standa vörð um samninginn við AGS, sem gengur út á umfangsmikinn niðurskurð á ríkisútgjöldum, þ.m.t. velferðarmálum.

Það kemur á óvart hvað þetta tekur langan tíma. Á mánudag var ekki annað að heyra á Samfylkingunni en að nýja stjórn þyrfti að mynda helst í gær. Kannski að tvær grímur séu farnar að renna á VG, nú þegar þeir standa andspænis því að taka við stjórnartaumunum. Það er ekki hægt að gera mjög margt sem til vinsælda er fallið á tveimur til þremur mánuðum. Og lausafylgið, sem veðjað hefur á VG síðustu vikurnar í skoðanakönnunum, er eins og vindurinn. Ekki hönd á hann festandi. 

Vonandi standa VG við stóru orðin og sýna okkur að það sem þurfti okkur til bjargar var að fá þá að ríkisstjórnarborðinu. Ég hef hins vegar litla trú á því að þeir búi yfir nokkrum töfralausnum og óttast að það breyti engu fyrir neinn nema þá sjálfa að þingmenn VG verði ráðherrar.


mbl.is Býst við stjórn á laugardag
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Loftur Altice Þorsteinsson

Ekki er langt síðan Steingrímur reyndi að fá Alþingi til að lýsa yfir vantrausti á Ingibjörgu og Samfylkinguna. Það var 24.nóvember 2008 og við það tækifæri sagði Steingrímur:

Hvað sagði hæstv. utanríkisráðherra, Ingibjörg Sólrún Gísladóttir, í lok ágúst? Hún sagði í viðtali við Viðskiptablaðið að hér væri engin kreppa. Við eigum við ákveðna erfiðleika að etja, ákveðna erfiðleika í efnahagsmálum, en þó má ekki tala eins og það sé kreppa í landinu. Hér er engin kreppa, sagði hæstv. utanríkisráðherra, Ingibjörg Sólrún Gísladóttir, í lok ágústmánaðar.

Nokkru síðar í ræðu sinni sagði Steingrímur:

Ingibjörg Sólrún Gísladóttir taldi þá (í mars) efnahag íslensku þjóðarinnar sterkan og sagði m.a., með leyfi forseta: „Það er nauðsynlegt að gera grein fyrir því að íslenskur efnahagur stendur styrkum fótum. Raunar er staða íslensks efnahags sterkari en sumra annarra Norðurlanda. Bankar okkar eru einnig mjög sterkir og þrautseigir." Þetta sagði hæstv. utanríkisráðherra í almannatengsla-úthlaupinu í mars. Það er vert að þetta komi skýrt fram.

Það er eins gott að Samfylkingin og VG ætla ekki að starfa saman nema fram að kosningum. Annars gætu þessi ummæli Steingríms farið að rifjast upp fyrir Ingibjörgu og hirð hennar í Samfylkingunni.

Loftur Altice Þorsteinsson, 28.1.2009 kl. 18:07

2 identicon

Og þú ert langt því frá ein um þá skoðun Dögg.  Ég hef það sterklega á tilfinningunni að stærsti hluti þeirra fjölmörgu Íslendinga sem stóðu þétt saman í mótmælum, síðustu dagana, fyrir stjórnarslit, sé brugðið.  Aftur!  Gamalt vín á gömlum belgjum.  Þjóðin vill uppstokkun á íslenska kerfinu.  Uppstokkun, nýjungar, breytingar. Það breytir engu þótt nýtt fólk komi að löskuðu kerfi.  Vinstri Grænir hafa haft hátt síðustu misserin og spöruðu Samfylkingunni ekki heldur tóninn. Spurning hvort sá tónn sé of falskur fyrir þetta stjórnarsamstarf. Sagan segir okkur að vinstri stjórnir hafi enst illa og oftast sprungið. Það er alltaf allt á límingunum.  Raus og þvaður um smáatriði á meðan að stóru atriðin verða að stórvandamálum.  En nú er sviðið þeirra.  Tími til kominn að þau sýni hvað í þeim býr. Fá 2-3 mánuði til þess. Katrín Jakobs bað okkur samt ekki að hafa væntingar?  Nú! Enda hef ég engar væntingar.  En sjáum til í hverju velferðin felst.  En eitt er pottþétt.  Ef þeirra áætlun gengur ekki upp.  Verður það að sjálfsögðu síðustu ríkisstjórn að kenna.  Sem sagt ríkisstjórn í stjórnarandstöðu.

Einar Áskelsson (IP-tala skráð) 28.1.2009 kl. 19:52

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Dögg Pálsdóttir
Dögg Pálsdóttir
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 2
  • Sl. sólarhring: 2
  • Sl. viku: 11
  • Frá upphafi: 389904

Annað

  • Innlit í dag: 1
  • Innlit sl. viku: 5
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband