Forsætisráðuneytið

Það er óskiljanlegt ef ágreiningur stjórnarflokkana snýst fyrst og fremst um það að formaður Samfylkingarinnar vill taka að sér verkstjórnina í forsætisráðuneytinu fram að kosningum. Hefur formaður Samfylkingarinnar heilsu til að taka við forsætisráðuneytinu? Og ef hún forfallast, hver er þá staðgengill hennar? Össur Skarphéðinsson? Það er slæmt ef persónulegur metnaður einstaklinga stýrir för en ekki þjóðarheill. Það kann aldrei góðri lukku að stýra. Líf ríkisstjórnarinnar ræðst greinilega í dag og þar með hvert stefnir hér fram að kosningum.

Viðbót:

Eins og ég er búin að segja við aðra færslu hér fyrir framan - ég hafði formann Samfylkingarinnar fyrir rangri sök og bið hana velvirðingar á því. Forsætisráðherraefni Samfylkingarinnar var Jóhanna Sigurðardóttir, ekki formaður Samfylkinginarinnar.

Vilja taka að sér verkstjórnina

Athugasemdir

[Jón Snæbjörnsson, 26.1.2009 kl. 08:25]

sá vægir sem vitið hefur meira

[Hulda Elma Guðmundsdóttir, 26.1.2009 kl. 09:24]

Heyrðu mig nú. Hefur það ekki verið aðall sjálfstæðisflokksins að taka persónulegan metnað fram yfir þjóðarstolt. Kona líttu þér nær.

[Helgi Jóhann Hauksson, 26.1.2009 kl. 10:52]

Eina ástæðan sem gæti réttlætt það væri ef Sjálfstæisflokkurinn getur ekki rekið Davíð og Samfylingin verði því að setjast í ráðuneytið sem það gerir. - Það er lík eini möguleikinn til að einhver friður yrði um sinn að Davíð verði látinn fara núna og Árni Matt og BB fylgi.

[Skúli (IP-tala skráð) 26.1.2009 kl. 11:21]

Það er greinilega markmið Samfylkingarinnar að sprengja stjórnina án þess að sitja uppi með þann stimpil að hafa hlaupizt frá erfiðum verkum. Það er erfitt verk fyrir Ingibjörgu að halda þessu liði saman þar sem hún hefur þurft að vera fjarverandi langtímum saman. Á meðan minnir Samfylkingin á hænsnabú, bregst við öllu með fjaðrafoki og gaggi. Ef vinstri flokkarnir taka saman höndum þá verður það um að gera ekki neitt og neita að horfast í augu við raunveruleikann.

[Dögg Pálsdóttir, 26.1.2009 kl. 13:20]

Við þurfum ekki að velta vöngum yfir þessu lengur. Krafa Samfylkingar um forsætisráðuneytið sprengdi ríkisstjórnina.