Jákvæð skref

Þetta bréf forsætisráðherra til kjararáðs er til sérstakrar fyrirmyndar og sjálfsagt að opinberir starfsmenn þurfi tímabundið að taka á sig launalækkun eins og margir aðrir í þjóðfélaginu. Þá er það sérstakt fagnaðarefni að loksins skuli búið að ákveða að afnema eftirlaunalögin frá 2003. Þótt fyrr hefði verið og gera breytingar á réttindavinnslu ýmissa embættismanna til samræmingar öðrum opinberum starfsmönnum.

Óska eftir launalækkun

Athugasemdir

[Þorgrímur Gestsson, 21.11.2008 kl. 21:53]

Já, en Dögg. Hvers vegna eru þessi forréttindi ekki einfaldlega afnumin?  Það er eins og þau séu að tefja fyrir þeirri bráðnauðsynlegu gjörð, sem væri smáksref í áttina til þess að koma á sáttum í þjóðfélaginu.

[Björn Birgisson, 21.11.2008 kl. 22:12]

Hver verður launalækkunin í ríkisbönkunum og Seðlabankanum?

Um margt góður dagur að kveldi kominn. Útspil ríkisstjórnarinnar jákvæður plástur á sár þjóðarinnar.  Tillaga um launalækkun (5-15%) allra þeirra sem taka laun samkvæmt úrskurði Kjararáðs er komin fram og eftirlaunaósómi Davíðs Oddssonar og Halldórs Ásgrímssonar að mestu dreginn til baka. Ríkisstjórnin sýnir ótvíræðan vilja til að ganga í takt með þjóðinni, að minnsta kosti í þessum tveimur málum.  Því ber að fagna. Handbragð Samfylkingarinnar skín í gegn.

Hvað svo um önnur há(ofur)laun í kerfinu. Þrístirni bankastjóranna í nýju ríkisbönkunum er á fáránlega háum launum, vel yfir tveimur milljónum á mánuði, að meðtöldum hlunnindum. Þrístirnið í Seðlabankanum er gríðarlega ofmetið til launa og kostar ríkið um 35 milljónum króna of mikið árlega, sem er svo fáránlegt að jafnvel Dario Fo hefði aldrei haft hugmyndaflug til að koma slíkri firru að í sínum försum.

Hvað ætlar stjórnvaldið að lækka þessi laun mikið? Það vill þjóðin vita - er ég viss um.

[Inga Lára Helgadóttir, 22.11.2008 kl. 20:28]

Ég er nú yfirleitt sammála þér með það sem þú segir Dögg, en mér finnst ekki til fyrirmyndar að lækka sig ekki nema um 5-15% miðað við hvernig farið hefur hjá okkur undir þeirra stjórn 

[Þórbergur Torfason, 22.11.2008 kl. 20:52]

Ja hérna Dögg. Afnám vs breyting. Þú kæmist nú ekki langt í réttarkerfinu með svona smjörklípu.