Leita í fréttum mbl.is

Vill Seðlabankinn ekki bara upplýsa allt sem hann veit?

Það eru út af fyrir sig athyglisverðar og áhugaverðar upplýsingar, ef réttar eru, að einn aðili skuldi viðskiptabönkunum þremur eitt þúsund milljarða. Og sannarlega þarf að skoða hvernig það gat gerst að einn aðili fengi slíka lánafyrirgreiðslu í bankakerfinu.

Seðlabankinn gagnrýnir að almenningur fái ekki neinar gagnlegar upplýsingar um hvað gerðist. Undir þá gagnrýni má taka.

En það er greinilegt að Seðlabankinn telur sig hafa allar þær gagnlegu upplýsingar sem almenningur þarf. Vill Seðlabankinn þá ekki halda áfram að upplýsa almenning? Er nokkur ástæða til að láta staðar numið við að upplýsa um stórfelldar lántökur eins aðila? Almenningur getur þá best sjálfur metið hvort Seðlabankinn sé eins saklaus í þessu máli og reynt er að telja okkur trú um.


mbl.is Skuldar þúsund milljarða
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Ætli það sé ekki eitthvað sem heitir trúnaður sem þeir þurfa að virða.

Að vísu virðist vera nýjasta lenska hjá ráðamönnum þjóðarinnar að brjóta þann trúnað en ætli SÍ reyni nú ekki að standa við hann.

Dóri

Dóri (IP-tala skráð) 18.11.2008 kl. 11:13

2 identicon

Það er ekki mjög flókið að reikna út hver uppáhalds grís bankanna er.

 Hann keypti sig nefnilega inn í þá  og tók svo að lána sjálfum sér.

Þið megið geta þrisvar. 

Skúli Skúlason (IP-tala skráð) 18.11.2008 kl. 11:19

3 identicon

Davíð er að hafa ykkur að fífli. Þessi tala sem hann slengir fram, 1000 milljarða skuld við íslenska bankakerfið, er kolröng og hann veit það.
Stór hluti þessara skulda er við erlenda banka þar sem t.d. 75% af starfsemi Landic er erlendis.
For the love of god, ekki láta Davíð Oddsson hafa ykkur að fífli enn einu sinni.

Putz (IP-tala skráð) 18.11.2008 kl. 11:19

4 Smámynd: Júlíus Björnsson

Skyldi viðkomandi banki, ef rétt reynist, hafa haldið að umræddur aðili gæti greitt slíka upphæð?

Júlíus Björnsson, 18.11.2008 kl. 12:21

5 identicon

Hvað þarf Dabbi oft að skýra út fyrir ykkur smjörklípuaðferðina, svo þið skiljið hvað djöfsi er að gera? Svo er þetta einelti hans í garð Jóns Ásgeirs löngu orðið sjúklegt. Auðvitað sér allt skynsamt fólk að hinir seku í því máli hvernig komið er fyrir okkur er spilling hans, Halldórs Ásgr. og Valgerðar Sv. á 12 ára spillingarstjórnarárum þessa félega hóps. Kosningar strax. Burt með spillingarliðið. Steingrím J. í forsætisráðuneytið!

Bóbó (IP-tala skráð) 18.11.2008 kl. 13:26

6 Smámynd: Anna Einarsdóttir

"Mér er kunnugt um efni þeirra (einhverra samtala) og mér er kunnugt um hvað í raun réði afstöðu breskra yfirvalda"  segir Davíð á sama tíma og hann spyr hvers vegna almenningur fái engar gagnlegar upplýsingar um hvað gerðist.

Bíddu nú við !  Af hverju byrjar maðurinn þá ekki á því að kunngera almenningi  hver sagði hvað sem olli því að við lentum í milliríkjadeilu ?  Að tala undir rós við þessar kringumstæður er alveg óásættanlegt.

Milliríkjadeila er háalvarlegt mál og kostaði okkur æruna, a.m.k. tímabundið. 

Davíð Oddsson, þrátt fyrir fagurlega samsettan málflutning, getur ekki fengið mig til að trúa því að hann sjálfur sé ekki sáðmaðurinn í sinni eigin ræðu....... sá sem einkavæddi, sá sem setti reglurnar, sá sem skipaði í pólitísku stöðurnar, sá sem átti að hafa eftirlit  o.s.frv. o.s.frv.......

Anna Einarsdóttir, 18.11.2008 kl. 17:35

7 Smámynd: Júlíus Björnsson

Ber ekki að skilja þetta svo að þegar byrjað verður að yfirheyra menn og þeir leystir undan þagnaskildu þá munu viðeigandi aðilar skýra frá.

Var hann ekki að tala fyrir hönd síns embættis.

Á hvaða "Banana lýðveldis" plani er umræða fólks komin? 

Júlíus Björnsson, 18.11.2008 kl. 17:54

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Dögg Pálsdóttir
Dögg Pálsdóttir
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 2
  • Sl. sólarhring: 2
  • Sl. viku: 11
  • Frá upphafi: 389904

Annað

  • Innlit í dag: 1
  • Innlit sl. viku: 5
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband