Kemur í opna skjöldu

Það má segja að afsögn Guðna Ágústssonar komi eins og þruma úr heiðskíru lofti. Og þó. Miðstjórnarfundur var sl. laugardag. Fjölmiðlar skýrðu frá miklum umræðum þar. Kannski Guðni hafi metið þær þannig að honum væri ekki sætt lengur? Það er með ólíkindum að á innan við viku hafa tveir þingmenn Framsóknar, þ.á m. formaður flokksins sagt af sér. En ég sé ekki betur en að með þessu sé þingflokkur Framsóknarflokksins orðinn samsettur af fjórum konum og þremur körlum. Mikil umskipti á einni viku. Kannski eitt af því jákvæða með þessum breytingum? Konum fjölgar á Alþingi.

Guðni segir af sér þingmennsku

Athugasemdir

[ÓÁS (IP-tala skráð) 17.11.2008 kl. 15:55]

Hvað er svona jákvætt við að konum fjölgi ???? Óttalegt bull alltaf hreint aðal atriðið að það verði fólk sem tekur almenning fram fyrir sínar eigin þarfir en það er ekki einn einasti þingmaður sem gerir í dag !!!

[Dögg Pálsdóttir, 17.11.2008 kl. 16:09]

Það er mín skoðun að á Alþingi þurfi kynjahlutföll að vera sem jöfnust. Með þeim hætti er lýðræðið best tryggt og að viðhorf kynjanna til allra mála, sem vitað er að eru mismunandi, komi best fram. Þess vegna tel ég það jákvætt að konum fjölgar á Alþingi. ÓÁS er velkomið að vera ósammála mér. Við búum sem betur fer í landi þar sem ríkir skoðanafrelsi.

[Matthildur Jóhannsdóttir, 18.11.2008 kl. 11:11]

Skrítið en þegar talað eru um klúður og mistök og útrásarfólk þá koma bara upp nöfn Karlmanna. Eru þeir kanski of fljótfærir.

Kannski er tíminn til að reyna nýjar aðferðir við stjórnunn.

Ég vil konur eins og Dögg sem þora að hafa skoðun og standa við og fylja eftir málum. Dögg ég vil þig í foristu.