Höldum áfram

er áhugaverð yfirskrift hins nýja samstarfs Sjálfstæðisflokks og Framsóknarflokks í Reykjavík. Fæstir Reykvíkingar skilja af hverju þetta 10 mánaða hlé varð á því samstarfi sem sömu flokkar lögðu upp með eftir síðustu borgarstjórnarkosningar. Kannski skýrist það eitthvað í nýjum og endurbættum málaefnasamningi. Jafnframt er því treyst að völd framsóknarmanna í samstarfinu minnki frá því sem áður var, því þau voru í engu samræmi við styrk flokkanna og óeðlileg í alla staði.

Vonandi verður fram að næstu borgarstjórnarkosningum góður starfsfriður í Reykjavík. Nýr meirihluti hefur tæplega tvö ár til að sanna sig og endurvekja traust og tiltrú kjósenda. 

Það var ekki gott að þurfa að rjúfa samstarfið við F-listann - en í þeirri stöðu sem upp var komin var greinilega ekkert annað að gera. Og það var augljóslega skárri kostur en að halda áfram í samstarfi, sem virtist gæfulítið frá fyrsta degi.  

Nýr borgarstjóri þarf nú að leiða borgarstjórnarflokkinn úr því öngstræti sem hann var sjálfur búinn að koma sér í og endurvinna traust kjósenda Sjálfstæðisflokksins og kjósenda allra. Góðar óskir fylgja nýjum borgarstjóra í því vandasama, en mikilvæga, verki.

Hanna Birna borgarstjóri

Athugasemdir

[Davíð Halldór Lúðvíksson (IP-tala skráð) 15.8.2008 kl. 16:25]

Sæl,

því miður hef ég enga trú á sjálfstæðismönnum eftir að hafa misst stjórnina og afleyðingarnar eru fljótfærnisákvarðanir, stefnuleysi og fjórir borgarstjórar á launum ásamt fjölda pólitískra ráðninga sem enda í starfslokasamningum.

Líklegast myrkasta kjörtímabil í sveitastjórn á Íslandi. Ef sjálfstæðismenn væru þeir einu sem myndu bjóða sig fram á næsta kjörtímabili, þá myndi ég skila auðu.

Það sem mætti læra af þessu rugli væri að heimila lög sem leyfðu endurkjör um leið og meirihlutastarf springur svo álíka ástand komi aldrei fyrir aftur. 

[Guðrún Þóra Hjaltadóttir, 15.8.2008 kl. 17:03]

Ég er á því að það þurfa að breyta lögum og leyfa kostningar.

Það þarf nýtt og fersk fólk inn, fólk sem hefur reynslu.

Ólafur Friðrik var frá fyrsta degi ómögurlegur, hann virðist ekki hafa þann hæfileika að vinna með öðrum.

[Ása (IP-tala skráð) 15.8.2008 kl. 22:17]

Mig langar að fara að sjá hugsjónafólk að störfum í forustunni - ekki bara framapotara!