Dökk föt

Í boðskorti, sem ég sá, stóð um klæðaburð í boðinu: Dökk föt. Ég varð nokkuð hugsi yfir þessum fyrirmælum. Mér finnst þessi klæðaburðarlýsing mjög karllæg og eiginlega varla hægt að nota hana þegar fyrir liggur að gestir eru bæði karlar og konur. 

Við eigum prýðileg orð: Samkvæmisklæðnaður eða spariklæðnaður, sem bæði vísa til klæðaburðar beggja kynja. 

Bara vinsamleg ábending til þeirra sem bjóða til veislu með boðskorti og vilja setja fyrirmæli um klæðaburð á kortið.

Athugasemdir

[Landfari, 3.3.2008 kl. 16:54]

Spariklæðnaður eða samkvæmisklæðnaður segir ekkert um að fötin séu dökk. Það eru bæði til dökk og ljós og jafnvel hvít herrajakkaföt sem myndu kallast spari og eins ljósar og dökkar draktir á konurnar.

Skil ekki alveg hvaðan þú færð samasem merki á milli dökkra fata og sparifata.

[Nanna Katrín Kristjánsdóttir, 3.3.2008 kl. 17:36]

Ha?  ég skil ekki.  Hélt að allir væru í dökkum fötum á veturnar.  Karlmenn geta klæðst í ljósum fötum jafnt og konur. Ég fór einu sinni á ball þar sem allir áttu að klæðast hvítu.  Nokkuð viss um að það var ekki verið að reyna mismuna nokkrum þar, heldur skapa þema fyrir ballið.

[Þorgerður Laufey Diðriksdóttir, 5.3.2008 kl. 10:35]

Skiptir máli að konur séu í áhrifastöðum?

Fjölkvennum á fund á NASA við Austurvöll laugardaginn 8.mars 2008 klukkan 17:00

[Dögg Pálsdóttir, 5.3.2008 kl. 18:41]

Allt hárréttar ábendingar - en spariklæðnaður kvenna er ekki endilega dökkur og í boðinu sem um ræðir (sem ég sjálf var boðin í) var greinilegt að konur litu ekki svo á að "dökk" föt" þýddu fyrir þær dökkir kjólar - því þeir voru í öllum litum.