Er

ég ein um að finnast að orðaskak milli þingmanna af þessu tagi er eiginlega orðið eitthvað sem við hvorki viljum né nennum hlusta á? Er ekki tímabært að þingmenn snúi bökum saman, hvar í flokki sem þeir standa, og fari að vinna að uppbyggingu hér? Það er hárrétt ábending að heimili og fyrirtæki eru að kikna undan afleiðingum verðbólgu og gengishruns. Haustið verður erfitt. Það þarf að fara að gera eitthvað bitastætt til að hjálpa fjölskyldum og fyrirtækjum til að komast útúr þeim ógöngum sem aðdragandi hrunsins og hrunið hefur leitt yfir þjóðina. Því fyrr sem þingið fer að einbeita sér að þeim verkum, því betra.

 

Klappstýra hrunsins

Athugasemdir

[Finnur Bárðarson, 13.8.2009 kl. 13:23]

Nei þú ert sko ekki ein um það, þetta er orðið óþolandi.

[Sigurjón Pálsson (IP-tala skráð) 13.8.2009 kl. 13:45]

það er dapurlegt að horfa hér á fullorðna óvita í daglegum sandkassaleik sínum á dýrustu dagvistunarstofnun landsins þar sem vistin er niðurgreidd af okkur, skattgreiðendum

[Rósa (IP-tala skráð) 13.8.2009 kl. 13:54]

Mér finnst mikilvægt að SjálfstæðisFLokksþingmenn haldi sig til hlés í umræðum sem snerta efnahagsmál á Íslandi. Þeir eru sekir, allir vita það, enginn er sóttur til saka, þjóðin er reið, vill ekki hlusta á þingmenn SjálfstæðisFLokks og fyrrverandi ráðherra bulla útí eitt.

[Björn Birgisson, 13.8.2009 kl. 14:59]

Einar Guðfinnsson fékk þá gusu yfir sig sem hann átti skilið. Hundleiðinlegt orðaskak, en menn verða að svara fyrir sig. Sérstaklega þegar Sjálfstæðismenn reyna að gera sig breiða í eigin fjármálarústum.

[Finnur Bárðarson, 13.8.2009 kl. 15:00]

Svo sanngirnis sé gætt þá eiga allir flokkar hlut að máli einnig Samfylkingin. Mér finnst hvar sem við stöndum í stjórnmálum er það góðs viti að okkur venjulegum er öllum ofboðið.

[Guðbjörg Elín Heiðarsdóttir, 13.8.2009 kl. 16:20]

Ég er sammála þér í þessu Dögg, en það er samt frekar fúlt að hlusta á  Einar K. Guðfinnsson tala eins og hann gerði til félagsmálaráðherra. Hann átti það skilið sem hann fékk til baka frá Árna Páli. Vonandi fara þessir þingmenn að vinna vinnuna sína og hætta að henda skítkasti í hvor annan. Fólkið í landinu er búið að fá nóg.

[Guðbjörn Guðbjörnsson, 13.8.2009 kl. 18:55]

Nei.

[Björn Birgisson, 13.8.2009 kl. 20:00]

Guðbjörn, það voru að minnsta kosti tvær spurningar í texta Daggar. Nei? Er karlinn kannski orðinn þreyttur á Einari Kr. Guðfinnssyni? Ekki lái ég þér það. Því þar fer blaðrari aldarinnar.

[Katrin Jónsdóttir (IP-tala skráð) 13.8.2009 kl. 20:04]

Eg er hjartanlega sammála þér Dögg, en jafnframt vonlaus um að þeim takist að vinna saman, hamingjan sanna hve maður skammast sín fyrir þetta þinglið, en það virðist ekkert skammast sín og enginn hefur boðist til að vinna þegnskylduvinnu við að koma landinu á réttan kjöl, er og var þetta fólk ekki á launum hjá þjóðinni?

[Þorri Almennings Forni Loftski, 13.8.2009 kl. 20:24]

Sammála um að karpið, sérstaklega þrasið um Icesave er fyrir löngu orðið óþolandi. Skammarleg stjórnarandstaða Sjálfstæðisflokksins virðist ekki taka mið af þvi að hér ríkir neyðarástand sem jaðrar við stríðsástand. Með fíflagangi Sjálfstæðisflokks og Framsóknar virðist markmiðið ekki vera að snúa bökum saman í þágu heildarhagsmuna þjóðarinnar, heldur sundra og afvegaleiða í þágu þröngra hagsmuna, sjálfstæðis hinna fáu.

Auðvitað er öflug stjórnarandstaða nauðsynleg en hún þarf að vera málefnaleg og starfa í þágu kjósenda, í stað þess að stunda blekkingar með því markmiði að komast aftur til valda.

[Gísli Ingvarsson, 14.8.2009 kl. 08:56]

Ég er að minnsta kosti búinnn að fá nóg.